Last updated on December 23rd, 2025 at 03:10 pm
ಕುಡ್ಲ, ಡಿ. 23: ಮಂಗಳೂರು ವಿಶ್ವವಿದ್ಯಾನಿಲಯೊದ ಅಡಿಟ್ ಬರ್ಪುನ 22 ಪ್ರೈವೇಟ್ ಡಿಗ್ರೀ ಕಾಲೇಜ್ಲ್ ಸಂದಾದಿನ ಸೆಲ್ಫ್-ಕ್ಲೋಷರ್ ಪ್ರಸ್ತಾವನೆಲೆಗ್ ಮಂಗಳೂರು ವಿಶ್ವವಿದ್ಯಾನಿಲಯೊದ ಶೈಕ್ಷಣಿಕ ಮಂಡಳಿ ಸೋಮಾರ ಒತ್ತೊಂದುಂಡು.
ಇನಯೊದ ಗುರ್ಕಾರ್ಮೆ ವಯಿತೊಂದು ಪಾತೆರ್ನ ಉಪಕುಲಪತಿ ಪ್ರೊ. ಪಿ.ಎಲ್. ಧರ್ಮ, ಕಾಲೇಜ್ಲೆನ ಆಡಳಿತ ಮಂಡಳಿಲು ತನ್ಕುಲೆ ಸಂಸ್ಥೆಲೆನ್ ಮುಚ್ಚೆರೆ ನಿರ್ಧಾರ ಗೆತೊಂದ ಪನ್ದ್ ಪನ್ಡೆರ್. ಆಂಡಲಾ, ಇತ್ತೆ ಪ್ರವೇಶ ಗೆತೊಂದಿನ, ಅಂಚೆನೇ ಇತ್ತೆ ಬೇತೆ ಬೇತೆ ಕ್ಲಾಸ್ಲೆಡ್ ಕಲ್ತೊಂದುಪ್ಪುನ ವಿದ್ಯಾರ್ಥಿಲೆಗ್ ಶೈಕ್ಷಣಿಕ ಚಟುವಟಿಕೆಲು ದುಂಬರಿಪ. ಮಾರ್ಕ್ಸ್ ಕಾರ್ಡ್ ಪರಿಶೀಲನೆ ಬೊಕ್ಕ ಬೇತೆ ಅಗತ್ಯ ಶೈಕ್ಷಣಿಕ ಸೇವೆಲೆನ್ ಕೊರ್ಯೆರ ಸಂಬಂಧಿತಿನ ಕಾಲೇಜ್ಲೆಗ್ ಸೂಚನೆ ಕೊರ್ತುಂಡು ಪನ್ದ್ ಪನ್ಡೆರ್.
ವಿದ್ಯಾರ್ಥಿಲೆನ ಅಡ್ಮಿಷನ್ ಕಮ್ಮಿ ಆತಿನ ಅಂಚೆನೇ ಬೇತೆ ನೆವನೊಲೆರ್ದಾವರ, ಈ ಕಾಲೇಜ್ಲ್ ಮಾನ್ಯತೆ ನವೀಕರಣೊಗು ಅರ್ಜಿ ಪಾಡ್ದಿಜ್ಜಂಡ್. ಈ 22 ಕಾಲೇಜ್ಲ್ ಮುಚ್ಚಿನೆರ್ದಾವರ, ಮಂಗಳೂರು ವಿಶ್ವವಿದ್ಯಾಲಯೊದ ಅಡಿಟ್ ಬರ್ಪುನ ಒಟ್ಟು ಕಾಲೇಜ್ಲೆನ ಸಂಖ್ಯೆ 167 ಕ್ ಜಪ್ಪುಂಡು.
ಉಂದೆಟ್ 109 ಪ್ರೈವೇಟ್ ಕಾಲೇಜ್ಲ್, 32 ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್ಲ್, 9 ಅಟೋನೋಮಸ್ ಕಾಲೇಜ್ಲ್, 13 ಬಿ.ಎಡ್ ಕಾಲೇಜ್ಲ್ ಬೊಕ್ಕ ನಾಲ್ ವಿಶ್ವವಿದ್ಯಾಲಯೊದ ಘಟಕ ಕಾಲೇಜ್ಲ್ ಉಲ್ಲ.
ಮುಚ್ಚೊಂದುಪ್ಪುನ 22 ಕಾಲೇಜ್ಲೆನ ಪಟ್ಟಿ
- Aaba Women’s First Grade College, Surathkal
- Anjuman First Grade College, Mangaluru
- Amrutha College, Padil
- Silicon College of Advance Studies, Konchady
- Moegling Institute of German Language, Balmatta
- Sarsa College of Arts and Science, Mangaluru
- Rosario College of Management Studies, Bolar
- Karavali College of Education, Mangaluru
- Premakanthi College of Education, Mangaluru
- Sapientia Bethany First Grade College, Nelyadi
- Sri Sharada Women’s College, Sullia
- Ramakunjeshwara College, Ramakunja
- Hazaratha Sayad Madani Banatha Women’s College, Ullal
- St. Sebastian College of Commerce, Ullal
- St. Thomas College, Belthangady
- Mar Ivanios College, Kadaba
- Madhava Pai College, Manipal
- Mookambika First Grade College, Byndoor
- Varasiddhi Vinayaka First Grade College, Kundapur
- B.D. Shetty College of Business Management, Udupi
- Vidyanikethana First Grade College, Kaup
- Krishnabai Vasudeva Shenoy Memorial College, Katpady