Last updated on December 26th, 2025 at 11:58 am
ಉಬಾರ್, ಡಿ. 26: ಕೆಎಸ್ಆರ್ಟಿಸಿ ಬಸ್ ಡ್ರೈವರ್ಗ್ ತಿಗಲೆ ಬೇನೆ ತೋಜಿದ್ ಬತ್ತಿನೆರ್ದಾವರ ಬಸ್ ಡ್ರೈವಿಂಗ್ಡ್ ವ್ಯತ್ಯಾಸ ಆಯಿನೆನ್ ತೂದು ಬಸ್ಸ್ಡಿತ್ತಿನ ಪಯಾಣಿಕೆ ಒರಿ ಸಮಯ ಪ್ರಜ್ಞೆಡ್ ಬಸ್ನ್ ಸಾದಿ ಬರಿಟ್ ಉಂತಾದ್ ದುರಂತೊನು ತಪ್ಪಾದಿನ ನಡಕೆ ಪೆರ್ನೆ ಗ್ರಾಮೊದ ಕೈತಲ್ ನಡತ್ದ್ಂಡ್.
ಗುರುವಾರ ಸುಬ್ರಹ್ಮಣ್ಯರ್ದ್ ಕಾರವಾರಗ್ ಕೆಎಸ್ಸಾರ್ಟಿಸಿ ಬಸ್ನ್ ಬುಡೊಂದು ಪೋವೊಂದಿತ್ತಿನ ಡ್ರೈವರ್ ಗೋವಿಂದ ನಾಯ್ಕ ಪನ್ಪಿನಾರೆಗ್ ಪೆರ್ನೆ ಗ್ರಾಮೊದ ಕರ್ವೇಲ್ ಪನ್ಪಿನಡೆ ಎತ್ತ್ನಗ ತಿಗಲೆ ಬೇನೆ ತೋಜಿದ್ ಬತ್ತಿನೆರ್ದಾವರ, ಬಸ್ ಡ್ರೈವಿಂಗ್ಡ್ ವ್ಯತ್ಯಾಸ ಆದಿತ್ತ್ಂಡ್. ಉಂದೆನ್ ತೂಯಿನ ಬಸ್ಸ್ಡಿತ್ತಿನ ನ್ಯಾಯವಾದಿ, ನೆಲ್ಯಾಡಿದ ಇಸ್ಮಾಯೀಲ್ ಪನ್ಪಿನಾರೆನ ಮಗೆ ಸಲ್ಮಾನುಲ್ ಫಾರಿಸ್ ಅಪಗನೇ ಡ್ರೈವರ್ನಡೆ ಬಲ್ತ್ದ್ ಪೋವೊಂದಿತ್ತಿನ ಬಸ್ನ್ ಮೆಲ್ಲ ಅಂಕೆಗ್ ಕನತ್ದ್ ಸಾದಿ ಬರಿಟ್ ಉಂತಾದೆರ್.
ರಪಕ್ಕ ಡ್ರೈವರ್ಗ್ ಉಬಾರ್ ಸರಕಾರಿ ಆಸ್ಪತ್ರೆಡ್ ಪ್ರಥಮ ಚಿಕಿತ್ಸೆ ಮಲ್ಪಾದ್ ಎಚ್ಚಿನ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್. ಸಲ್ಮಾನುಲ್ ಫಾರಿಸ್ರೆನ ಸಮಯ ಪ್ರಜ್ಞೆರ್ದಾವರ, ನಡಪೆರೆ ಇತ್ತಿನ ಮಲ್ಲ ಪಡಾಯಿ ಒಂಜಿ ತತ್ತ್ದ್ಂಡ್. ಬೊಕ್ಕ ಸಾರಿಗೆ ನಿಯಂತ್ರಕೆರೆ ಸಹಕಾರೊಡು ಬಸ್ನ್ ಉಬಾರ್ ಬಸ್ ಉಂತಡೆಗ್ ಕನತ್ದ್ ದೀತೆರ್ ಪನ್ದ್ ತೆರಿದ್ ಬೈದ್ಂಡ್.