Last updated on December 30th, 2025 at 12:43 pm
ಬಂಟ್ವಾಳ, ಡಿ. 30: ಬೆರ್ಮೆರೆಕೂಟೇಲ್ ಟೋಲ್ ಗೇಟ್ ಸಿಬ್ಬಂದಿಲೆಗ್ ಆಕಿನ ಪ್ರಕರಣೊಡು ಇರ್ವೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್. ಕೈದಾತಿನಕ್ಲೆನ್ ಚಿಕ್ಕಮಗಳೂರು ಮೂಲೊದ ನಿವಾಸಿಲಾಯಿನ ಲಾರಿ ಡ್ರೈವರ್ ಭರತ್ (23) ಬೊಕ್ಕ ಕ್ಲೀನರ್ ತೇಜಸ್ (26) ಪನ್ದ್ ಗುರ್ತ ಪತ್ತ್ದೆರ್.
ಡಿಸೆಂಬರ್ 29 ದಾನಿ ಕಾಂಡೆ ಲಾರಿಡ್ ಬತ್ತಿನ ಆರೋಪಿಲು ಬೆರ್ಮೆರೆಕೂಟೇಲ್ ಟೋಲ್ ದ ಕೈತಲ್ ಸಾದಿದ ಉಲ್ಟಾ ಸೈಡ್ಡ್ ಬತ್ತಿತ್ತ್ದ್, ಟೋಲ್ ಸಿಬ್ಬಂದಿಲು ಟೋಲ್ ಕಾಸ್ ಕೇನ್ನಗ ಕಾಸ್ ಕೊರಂದೆ ಲಾರಿನ್ ಎದುರು ಕೊನೊದು ಟೋಲ್ ಗೇಟ್ಗ್ ಹಾನಿ ಮಲ್ತ್ದೆರ್. ಬೊಕ್ಕ ಲಾರಿ ಡ್ರೈವರ್ ಬೊಕ್ಕ ಕ್ಲೀನರ್ ಇರ್ವೆರ್ ಕೂಡೊಂದು ಟೋಲ್ ಗೇಟ್ ಸಿಬ್ಬಂದಿಲಾಯಿನ ಅಂಕಿತ್ ಬೊಕ್ಕ ರೋಹಿತ್ ಪನ್ಪಿನಕ್ಲೆಗ್ ಪೆದಂಬು ನೆರ್ದ್ ಆಕ್ದೆರ್. ಬೊಕ್ಕ ಕುಡೊಂಜಿ ಪಿಕಪ್ಡ್ ಇತ್ತಿನ ಇರ್ವೆರೆನ್ ಲೆತೊಂದು ಬತ್ತ್ದ್ ಟೋಲ್ ಬೂತ್ದ ಉಲಯಿ ಅಕ್ರಮವಾದ್ ಪೊಗ್ಗುದು ಕುಡ ಹಲ್ಲೆ ಮಲ್ತ್ದೆರ್ ಪನ್ದ್ ಆರೋಪ ಮಲ್ತ್ದೆರ್. ಈ ಬಗೆಟ್ ಟೋಲ್ ಇನ್ ಚಾರ್ಜ್, ಕಾಸ್ರೋಡ್-ಮುಳ್ಳೇರಿಯಾ ನಿವಾಸಿ ಪ್ರಶಾಂತ್ ಬಿ (25) ಮೇರ್ ಬರೆಪಾದಿನ ಒಯಿಲ್ದ ಪ್ರಕಾರ ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್. ಪ್ರಕರಣೊದ ಜಡ್ತೆ ಮಲ್ತಿನ ಪೊಲೀಸೆರ್ ಇರ್ವೆರ್ ಆರೋಪಿಲೆನ್ ವಶೊಕು ಗೆತೊಂದಿತ್ತ್ದ್, ಆರೋಪಿಲೆನ ಮಿತ್ತ್ ಪ್ರಕರಣ ದಾಕಲ್ತೊಂದೆರ್.