Last updated on January 1st, 2026 at 09:08 am
ಜನವರಿ 1: ಇನಿ ಕಾಂಡೆ 3 ಗಂಟೆಗ್ ನಿಟ್ಟೆ ವಿಶ್ವವಿದ್ಯಾಲಯದ ಕುಲಪತಿಕುಲು, ಉದ್ಯಮಿ,ಶಿಕ್ಷಣ ತಜ್ಞೆರ್, ಸಮಾಜಸೇವಕೆರಾಯಿನ ವಿನಯ್ ಹೆಗ್ಡೆರ್ ತೀರಿಯೆರ್. ಮೆರೆಗ್ 86 ವರ್ಸ ಆದಿತ್ತ್ಂಡ್.
ದಾಲಾ ದಾಂತಿನ ಕುಗ್ರಾಮೊನು ವಿಶ್ವ ಮಟ್ಟೊಡೇ ಪುಗಾರ್ತೆ ಬರ್ಪಿಲೆಕ್ಕ ಸತತ ಭಗೀರತ ಪ್ರಯತ್ನ ಮಲ್ತ್ ಬುಲೆಪಾಯಿನ ಮೆರೆನ ಪುದರ್ ಶಾಶ್ವತವಾದ್ ತುಳುನಾಡ್ ಮಾತ್ರ ಅತ್ತ್ ಇಡೀ ದೇಶೊದ ಪರತಿರಿಟೇ ಚಿರಸ್ಥಾಯಿಯಾದ್ ಒರಿಯುಂಡು.
ಎಪ್ರೀಲ್ 3,1939ಡ್ ಸುಪ್ರೀಂ ಕೋರ್ಟುದ ಮಾಜಿ ಜಡ್ಜ್ ಅಂಚೆನೆ ಲೋಕಸಭೆದ ಸ್ಪೀಕರ್ ಆದಿತ್ತಿನ ಜಸ್ಟೀಸ್ ಕೆ.ಎಸ್ ಹೆಗ್ಡೆ ಮೆರೆನ ರಡ್ಡನೇ ಮಗೆ ಆದ್ ಪುಟ್ಟಿನ ವಿನಯ ಹೆಗ್ಡೆರ್ ಬಿ.ಎಸ್ಸಿ ಡಿಗ್ರಿ ಪದವೀಧರೆರ್. 1975ನೇ ಇಸವಿಡ್ ಲೆಮಿನಾ ಸಸ್ಪೆಂಸ್ಷನ್ ಪ್ರೊಡಕ್ಟ್ಸ್ ಸುರು ಮಲ್ತ್ ಮಲ್ಲ ಮಟ್ಟ್ದ ಉದ್ಯಮಿ ಆದ್ ಬುಲೆಯೆರ್. 1979ಡು ನಿಟ್ಟೆ ಎಜುಕೇಷನ್ ಟ್ರಸ್ಟ್ ಮಲ್ತ್ ಕರಿನ 45 ವರ್ಷೊಡು ಶಿಕ್ಷಣ ಕ್ರಾಂತಿನೇ ಮಲ್ತೆರ್.
ಇಂಜಿನಿಯರಿಂಗ್,ಮೆಡಿಕಲ್,ಡೆಂಟಲ್, ಫಾರ್ಮಾಸೂಟಿಕಲ್, ನರ್ಸಿಂಗ್,ಹೊಟೇಲ್ ಮ್ಯಾನೇಜ್ಮೆಂಟ್ ಇಂಚ ಪಾಕ ಸಂಸ್ಥೆಲೆನ್ ಕಟ್ಟಿಯೆರ್. ನಿಟ್ಟೆ, ಕುಡ್ಲ, ಬೆಂಗಳೂರುಡು 3 ಕ್ಯಾಂಪಸ್ ಮಲ್ತ್ ಲಕ್ಷ ಲಕ್ಷ ಶಿಕ್ಷಣಾರ್ಥಿಲೆಗ್ ವಿದ್ಯೆ ಕೊರಿಯೆರ್.
ಮೆರೆನ ಬೊಡೆದಿ ಸುಜಾತಾ,ಮಗಲ್ ಅಶ್ವಿತಾ ಪೂಂಜಾ,ಮಗೆ ವಿಶಾಲ್ ಹೆಗ್ಡೆ ಉಲ್ಲೆರ್.