Last updated on January 2nd, 2026 at 09:17 am
ಕಾಪು, ಜ. 02: ಉದ್ಯಾವರ ರಾಷ್ಟ್ರೀಯ ಪೆರ್ಸಾದಿ 66ಟ್ ಸಂಕೊಗು ಬೈಕ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಶುಕ್ರವಾರ ರಾತ್ರೆ 2.30 AM ದ ಅಂದಾಜಿಗ್ ನಡತ್ದ್ಂಡ್.
ತೀರ್ದಿನಾರೆನ್ ಸುಬ್ರಹ್ಮಣ್ಯದ ಯುವರಾಜ್ ಪನ್ದ್ ಗುರ್ತ ಪತ್ತ್ದೆರ್.
ಕುಡ್ಲದಂಚಿರ್ದ್ ಒಡಿಪುದಂಚಿ ಪೋವೊಂದಿತ್ತಿನ ಬೈಕ್ ಬಾರೀ ಬರಸ್ಡ್ ಅಂಚೆನೇ ಅಜಾಗರೂಕತೆಡ್ ಅಂಕೆ ತತ್ತ್ದ್ ಸಂಕೊಗು ಎಡ್ತ್ದ್ಂಡ್. ಅಂಚಾದ್ ಸಾದಿಗ್ ರಟ್ಟ್ದಿನ ಯುವರಾಜ್ಗ್ ಗಾತಿದ ಗಡಿಕುಲಾದಿತ್ತ್ದ್, ಅಲ್ಪನೇ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ಜಾಗೆಗ್ ಬತ್ತಿನ ಪೊಲೀಸೆರ್ ಪರಿಶೀಲನೆ ಮಲ್ತ್ದೆರ್. ಪುನೊನು ಉಚ್ಚಿಲದ ಎಸ್ಡಿಪಿಐ ಆಂಬುಲೆನ್ಸ್ಡ್ ಕೆಎಂ ಸಿರಾಜ್, ಜಲಾಲುದ್ದೀನ್ ಅಜ್ಜೆರೆಕಾಡ್ ಆಸ್ಪತ್ರೆದ ಶವಗಾರೊಗು ಕೊನೊತೆರ್.