Last updated on January 2nd, 2026 at 05:10 pm
ಕೊಕ್ಕಡ, ಜ. 02: ಕೊಕ್ಕಡ ಗ್ರಾಮೊದ ಹಳ್ಳಿಗೇರಿ ಪನ್ಪಿನಲ್ಪ ಆಂಜೊವು ಒರಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಜ.2 ತ ಮಧ್ಯಾಹ್ನ ನಡತ್ದ್ಂಡ್.
ಆತ್ಮಹತ್ಯೆ ಮಲ್ತೊಂದಿನಾರೆನ್ ಕೊಕ್ಕಡ ಸರಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರೊದ ನಿವೃತ್ತ ನೌಕರೆ ಕುಂಞಕಣ್ಣನ್ ಪನ್ಪಿನಾರೆನ ಮಗೆ ಅಜಯ್ ಕುಮಾರ್(39) ಪನ್ದ್ ಗುರ್ತ ಪತ್ತ್ದೆರ್. ಮಧ್ಯಾಹ್ನ ವನಸ್ ಆದ್ ಇಲ್ಲಡಿತ್ತಿನ ಅಜಯ್, ಫ್ಯಾನ್ಗ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್ಗೆ.
ತೀರ್ದಿನ ಅಜಯ್ ಮೇರ್ ಒಂತೆ ಸಮೆ ಸೌತಡ್ಕ ಅನ್ನಛತ್ರೊಡು ಬೇಲೆ ಮಲ್ತೊಂದಿತ್ತೆರ್. ಬೊಕ್ಕ ಸ್ವಂತ ಆಟೋ ರಿಕ್ಷಾ ದೆತೊಂದು ಬಾಡಾಯಿಗ್ ಗೆಡತೊಂದಿತ್ತೆರ್. ಆತ್ಮಹತ್ಯೆಗ್ ಪತ್ತ ನೆವನ ನನ ತೆರಿದ್ ಬರೊಡಾತೆ.
ತೀರ್ದಿನಾರ್ ಅಮ್ಮೆರ್, ಅಪ್ಪೆ ಬೊಕ್ಕ ಸಂಗಡಿನ್ ಅಗತ್ದೆರ್. ಜಾಗೆಗ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.