Last updated on January 3rd, 2026 at 03:46 pm
ವೆನೆಜುವೆಲಾ, ಜ. 3: ವೆನೆಜುವೆಲಾದ ರಾಜಧಾನಿ ಕ್ಯಾರಾಕಸ್ದ ಮಿತ್ತ್ ವೈಮಾನಿಕ ದಾಳಿ ಮಲ್ತ್ದ್ ಅಧ್ಯಕ್ಷೆ ನಿಕೋಲಸ್ ಮಾಡುರೋ ಬೊಕ್ಕ ಆರೆನ ಬೊಡೆದಿ ಸಿಲಿಯಾ ಫ್ಲೋರ್ಸ್ನ್ ಕೈದ್ ಮಲ್ತ್ದ್ ವೆನೆಜುವೆಲಾರ್ದ್ ಲೆತೊಂದು ಬೈದ ಪನ್ದ್ ಅಮೆರಿಕದ ಅಧ್ಯಕ್ಷೆ ಡೊನಾಲ್ಡ್ ಟ್ರಂಪ್ ಪನ್ತೆರ್.
ಟ್ರುತ್ ಸೋಷಿಯಲ್ಡ್ ಮಲ್ದಿನ ಪ್ರಕಟಣೆಡ್ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೆರಿಕಾ ವೆನೆಜುವೆಲಾದ ಮಿತ್ತ್ ಯಶಸ್ವಿಯಾದ್ ಮಲ್ಲ ಮಟ್ಟ್ದ ವೈಮಾನಿಕ ದಾಳಿ ಮಲ್ತ್ದ್ ಅಲ್ಪದ ಅಧ್ಯಕ್ಷೆ ನಿಕೋಲಸ್ ಮಾಡುರೋ ನ್ ಆರೆನ ಬೊಡೆದಿನೊಟ್ಟುಗು ಅರೆಸ್ಟ್ ಮಲ್ತ್ದ್ ವೆನೆಜುವೆಲಾರ್ದ್ ಪಿದಯಿ ಲೆತೊಂದು ಬತ್ತ್ದ. ಈ ಕಾರ್ಯಾಚರಣೆನ್ ಅಮೆರಿಕದ ಕಾನೂನ್ದ ಪ್ರಕಾರ ಮಲ್ತ್ದ ಪನ್ದ್ ಪನ್ತೆರ್.
ಶನಿವಾರ ಪುಲ್ಯಾನಗ ವೆನೆಜುವೆಲಾಡ್ 2 AM ದ ಅಂದಾಜಿಗ್ ರಾಜಧಾನಿ ಕ್ಯಾರಕಾಸ್ದ ಮಿತ್ತ್ ಅಮೆರಿಕದ ವಾಯುಸೇನೆ ಏರ್ಸ್ಟ್ರೈಕ್ ಮಲ್ತ್ದ್ಂಡ್. ಕಮ್ಮಿಡ್ 7 ಮಲ್ಲ ಸ್ಫೋಟಲು ನಡತಿತ್ತ್ದ್ ರಾಜಧಾನಿಡ್ ಕರೆಂಟ್ ಇಜ್ಜಂದಿಲೆಕ ಆತ್ಂಡ್. ಪಾಕ ಫೈಟರ್ ಜೆಟ್ಲೆನ್ ಗಲಸ್ದ್ ಅಮೆರಿಕ ಈ ದಾಳಿ ಮಲ್ತ್ದ್ಂಡ್.
ವೆನೆಜುವೆಲಾದ ರಕ್ಷಣಾ ಸಚಿವೆ ವ್ಲಾಡಿಮಿರ್ ಪ್ಯಾಡ್ರಿನೊ ಲೋಪೆಜ್ ರೆನ ಇಲ್ಲನ್ ಈಡ್ ಮಲ್ತ್ದ್ ವೈಮಾನಿಕ ದಾಳಿ ನಡತ್ದ್ಂಡ್. ರಾಜಧಾನಿ ಕ್ಯಾರಕಾಸ್ದ ಬಡಕಾಯಿ ಮೆಯಿಟುಪ್ಪುನ ಲಾ ಗುಯಿರಾ ಬಂದರ್ದ ಮಿತ್ತ್ಲಾ ಬಾಂಬ್ ದಾಳಿ ನಡಣ್ದ್ಂಡ್.