Last updated on January 3rd, 2026 at 04:49 pm
ಪುತ್ತೂರು, ಜ. 03: ಪೇಂಟೆದ ಗಾಂಧಿಕಟ್ಟೆದ ಕೈತಲ್ ಅಂಬೇಡ್ಕರ್ ವಿವಿದೋದ್ಧೇಶ ಸಹಕಾರ ಸಂಘ .ನಿ. ದ (AVSS) ಬ್ಯಾನರ್ ಪಾಡ್ದಿತ್ತ್ದ್, ಇತ್ತೆ ಬ್ಯಾನರ್ ದೆತ್ತಿನ ನಗರಸಭೆದ ವಿರುದ್ಧ ಆಕ್ರೋಶ ತೋಜಿದ್ ಬೈದ್ಂಡ್.
ಉದ್ಘಾಟನಾ ಸಮಾರಂಭೊದ ಬ್ಯಾನರ್ಡ್ ಅಂಬೇಡ್ಕರ್ ಫೋಟೋ ಇತ್ತ್ದ್, ಬ್ಯಾನರ್ ದೆತ್ತಿನೆಕ್ ಪುತ್ತೂರು ನಗರಸಭೆತ ವಿರುದ್ಧ AVSS(ಅಂಬೇಡ್ಕರ್ ವಿವಿದೋದ್ಧೇಶ ಸಹಕಾರ) ಸಮಿತಿ ಪಿಸ್ರಾದ್ ಆಕ್ರೋಶ ತೋಜಾದ್ಂಡ್.
ಎಲ್ಲೆ ಸುಳ್ಯದ ಕೆವಿಜಿ ಪುರಭವನೊಡು ಕಾರ್ಯಕ್ರಮ ನಡಪರೆ ಉಂಡು, ಆಂಚಾದ್ ಪುತ್ತೂರ್ಡ್ಲಾ ಕಾರ್ಯಕ್ರಮೊದ ಬಗೆಟ್ ಬ್ಯಾನರ್ ಪಾಡ್ದಿತ್ತೆರ್. ಪುತ್ತೂರು ನಗರಸಭೆರ್ದ್ ಅನು ಗೆತೊಂದು AVSS ಸಮಿತಿ ಬ್ಯಾನರ್ ಪಾಡ್ದಿತ್ತೆರ್.
ಪುತ್ತೂರು ನಗರಸಭೆ 5 ದಿನೊತ ಅನು ಕೊರ್ದಿತ್ತ್ಂಡ್. ಕಾರ್ಯಕ್ರಮೊಗು ಒಂಜಿ ದಿನ ಬಾಕಿ ಇಪ್ಪುನಗನೇ ನಗರಸಭೆ ಬ್ಯಾನರ್ನ್ ದೆತ್ತ್ದ್ಂಡ್. 5 ದಿನೊತ ಅನು ಇತ್ತ್ಂಡಲಾ ಬ್ಯಾನರ್ ನ್ ದುಂಬೇ ದೆತ್ತಿನ ನಗರಸಭೆತ ವಿರುದ್ಧ ಆಕ್ರೋಶ ತೋಜಿದ್ ಬೈದ್ಂಡ್.
ಇತ್ತೆಗ್ ಇತ್ತೆನೇ ಬ್ಯಾನರ್ನ್ ಒಲ್ಪ ಪಾಡ್ದಿತ್ತ್ಂಡಾ ಅಲ್ಪನೇ ಕುಡ ಪಾಡೊಡು ಪನ್ದ್ ಪುತ್ತೂರು ನಗರಸಭೆಗ್ AVSS ಸಮಿತಿ ಒತ್ತಾಯ ಮಲ್ದ್ಂಡ್.
ಬ್ಯಾನರ್ ಪಾಡ್ಜಿಂಡ ಜಿಲ್ಲೆದ ಮಾತಾ ದಲಿತ ಸಂಘಟನೆಲೆನ್ ಒಟ್ಟು ಮಲ್ತ್ದ್ ಪ್ರತಿಭಟನೆ ಮಲ್ಪುವ ಪನ್ದ್ ಪನ್ತೆರ್. ನಗರಸಭೆ ಪೌರಾಯುಕ್ತೆ, ಸಿಬ್ಬಂದಿಲೆನ ಮಿತ್ತ್ ಕೇಸ್ ದಾಕಲ್ಪೆರ ಒತ್ತಾಯ ಮಲ್ತ್ದೆರ್.