Last updated on January 3rd, 2026 at 06:54 pm
ರಾಜ್ಕೋಟ್, ಜ. 03: ವಿಜಯ್ ಹಜಾರೆ ಟ್ರೋಫಿ ಟೂರ್ನಿಡ್ ಭಾರತೊದ ಆಲ್-ರೌಂಡರ್ ಹಾರ್ದಿಕ್ ಪಾಂಡ್ಯ ಅಡಿಪ್ಪೊಲಿ ಬ್ಯಾಟಿಂಗ್ ಮಲ್ತಿತ್ತ್ದ್, ಒಂಜೇ ಓವರ್ಡ್ 34 ರನ್ ಆಕ್ದೆರ್.
ರಾಜ್ಕೋಟ್ದ ನಿರಂಜನ್ ಕೋಟ್ ಶಹಾ ಕ್ರೀಡಾಂಗಣೊಡು ವಿದರ್ಭ (Vidarbha) ದ ಎದುರು ನಡತೊಂದುಪ್ಪುನ ವಿಜಯ ಹಜಾರೆ ಟ್ರೋಫಿ (Vijay Hazare Trophy) ಪಂದ್ಯೊಡು ಸ್ಫೋಟಕ ಶತಕ ಆಕ್ದೆರ್. ಒಂಜೇ ಓವರ್ಡ್ 34 ರನ್ ಆಕುನ ಮುಕೇನ 68 ಬಾಲ್ಡೇ ಶತಕ ಮಲ್ತ್ದೆರ್. ಉಂದು ದೇಶಿಯ ಸುರುತ ದರ್ಜೆದ ಪಂದ್ಯೊಡು ಪಾಂಡ್ಯೆರೆನ ಕಡೀರ ಶತಕೊಲಾ ಆದುಂಡು.
ಸುರುತ 62 ಬಾಲ್ಡ್ 66 ರನ್ ಮಲ್ತಿತ್ತಿನ ಹಾರ್ದಿಕ್ 39ನೇ ಓವರ್ಡ್ 6,6,6,6,6,4 ಆಕುನ ಮುಕೇನ ಶತಕ ಮಲ್ತೆರ್. ಅಕೇರಿಡ್ ಈ ಇನ್ನಿಂಗ್ಸ್ಡ್ 92 ಬಾಲ್ ಗೊಬ್ಬಿನ ಪಾಂಡ್ಯ 133 ರನ್ ಮಲ್ತ್ದ್ ಔಟಾಯೆರ್. 8 ಫೋರ್ ಬೊಕ್ಕ 11 ಸಿಕ್ಸರ್ ಆಕ್ಯೆರ್. ಅಂಚಾದ್ ಟಾಸ್ ಸೋತ್ದೊ ಬ್ಯಾಟಿಂಗ್ಗ್ ಜತ್ತಿನ ಬರೋಡಾ ಟೀಮ್ ನಿಗದಿತ 50 ಓವರ್ಡ್ 9 ವಿಕೆಟ್ ನಷ್ಟೊಗು 293 ರನ್ ಒಟ್ಟು ಮಲ್ತ್ಂಡ್.