ಬಂಟ್ವಾಳ : ಅಂಕೆ ತತ್ತ್‌ದ್ ಗುಂಡಿಗ್ ಬೂರ್ನ ರಿಕ್ಷಾ – ಜೋಕುಲೆಗ್ ಗಡಿಕುಲು

Last updated on January 10th, 2026 at 03:22 pm

ಬಂಟ್ವಾಳ, ಜ. 10: ಬಂಟ್ವಾಳ ತಾಲೂಕ್‌ದ ಅಲ್ಲಿಪಾದೆ ಕೈತಲ್ದ ಉಜಿರಾಡಿಡ್ ರಿಕ್ಷಾ ಒಂಜಿ ಡ್ರೈವರ್‌ನ ಅಂಕೆ ತತ್ತ್‌ದ್ ಸಾದಿ ಬರಿತ ಗುಂಡಿಗ್ ಕಬ್ಬೆ ಬೂರ್ದಿನ ನಡಕೆ ನಡತ್‌ದ್ಂಡ್.

ನಡಕೆಡ್ ರಿಕ್ಷಾ ಡ್ರೈವರ್, ಪೆರಿಯಪಾದೆ ನಿವಾಸಿ ಸಂಶುದ್ದೀನ್ ಬೊಕ್ಕ ಬೇತೆ ನಾಲೈನ್ ಜನ ಜೋಕುಲೆಗ್ ಗಡಿಕುಲಾದ್ ಬಂಟ್ವಾಳ ಸರಕಾರಿ ಆಸ್ಪತ್ರೆಡ್ ಮರ್ದ್ ಮಲ್ತ್‌ದೆರ್. ಶಾಲೆರ್ದ್ ಜೋಕುಲೆನ್ ಇಲ್ಲಡೆ ಲೆತೊಂದು ಪೋನಗ ನಡಕೆ ನಡತಿತ್ತ್‌ದ್, ಬಂಟ್ವಾಳ ಟ್ರಾಫಿಕ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.