Last updated on January 10th, 2026 at 05:49 pm
ಮಣಿಪಾಲ, ಜನವರಿ 10: ಬೈಕ್ ಸ್ಕಿಡ್ ಆದ್ ಡಿವೈಡರ್ಗ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಜನವರಿ 9 ದಾನಿ ರಾತ್ರೆ ಲಕ್ಷ್ಮೀಂದ್ರ ನಗರೊದ ಸುಧಾ ಫನಿರ್ಚರ್ದ ಎದುರು ರಾಷ್ಟ್ರೀಯ ಪೆರ್ಸಾದಿ 169ಎ ಡ್ ನಡತ್ದ್ಂಡ್.
ತೀರ್ದಿನಾರೆನ್ ಕುಂಜಿಬೊಟ್ಟು ಬುಡ್ನಾರ್ ರೋಡ್ ನಿವಾಸಿ ಪ್ರವೀಣ್ ಶೆಟ್ಟಿ(36) ಪನ್ದ್ ಗುರ್ತ ಪತ್ತ್ದೆರ್.
ಒಡಿಪುದಂಚಿರ್ದ್ ಮಣಿಪಾಲ ದಂಚಿ ಪೋವೊಂದಿತ್ತಿನ ಬೈಕ್ ಡಿವೈಡರ್ಗ್ ಎಡ್ತ್ದ್ಂಡ್. ಉಂದೆರ್ದಾವರ ಸಾದಿಗ್ ರಟ್ಟ್ದ್ ಗಾತಿದ ಗಡಿಯಾತಿನ ಪ್ರವೀಣ್ ಶೆಟ್ಟಿ ಅಲ್ಪನೇ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಮೇರ್ ಒಂಜರೆ ವರ್ಸೊಗು ದುಂಬಾತೇ ಮದಿಮೆ ಆದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.