Last updated on January 11th, 2026 at 07:39 am
ಕಾಸ್ರೋಡ್, ಜ. 11: ಪೋವೊಂದಿತ್ತಿನ ಬಸ್ದ ಇಂಜಿನ್ಡ್ ಪುಗೆ ತೋಜಿದ್ ಬತ್ತಿನ ನಡಕೆ ಕಾಸ್ರೋಡ್ದ ಉಳಿಯತ್ತಡ್ಕ ಪನ್ಪಿನಲ್ಪ ಶನಿವಾರ ಮಧ್ಯಾಹ್ನ ನಡತ್ದ್ಂಡ್.
ಪುಗೆ ಲಕ್ಕಿನೆರ್ದಾವರ ಬಸ್ ಸಿಬ್ಬಂದಿ ಬೊಕ್ಕ ಪ್ರಯಾಣಿಕೆರ್ ಒಂತೆ ಪೊರ್ತು ಪೋಡಿದಿತ್ತೆರ್. ಬಾರೀ ಪುಗೆ ತೋಜಿದ್ ಬತ್ತಿನೆರ್ದಾವರ ಡ್ರೈವರ್ ಬಸ್ನ್ ಉಂತಾದಿತ್ತ್ದ್, ಪ್ರಯಾಣಿಕೆರ್ ಬಸ್ಸ್ರ್ದ್ ಜತ್ತ್ದೆರ್. ಸೀತಾಂಗೋಳಿ ರ್ದ್ ಕಾಸ್ರೋಡ್ಗ್ ಪೋವೊಂದಿತ್ತಿನ ಪ್ರೈವೇಟ್ ಬಸ್ಸ್ಡ್ ನಡಕೆ ನಡತ್ದ್ಂಡ್. ಬಸ್ ಸಿಬ್ಬಂದಿ ಕೊರ್ತಿನ ಒಲವುದ ಪ್ರಕಾರ ಕಾಸ್ರೋಡ್ ಅಗ್ನಿ ಶಾಮಕ ದಳೊದ ಸಿಬ್ಬಂದಿಲು ಬತ್ತ್ದ್ ಅನಾಹುತೊನು ತಪ್ಪಾದೆರ್.