Last updated on January 11th, 2026 at 02:46 pm
ನೆಲ್ಯಾಡಿ, ಜ. 11: ಕೌಕ್ರಾಡಿ ಗ್ರಾಮೊದ ಮಣ್ಣಗುಂಡಿ ಪನ್ಪಿನಲ್ಪ ರಾಷ್ಟ್ರೀಯ ಪೆರ್ಸಾದಿ 75ಟ್ ಅಕ್ರಮವಾದ್ ಕೊನೊವೊಂದಿತ್ತಿನ ಮರೊನು ಉಬಾರ್ ಅರಣ್ಯ ವಲಯೊದ ಅಧಿಕಾರಿಲು ನಾಡ್ಪತ್ತ್ದ್ ವಶೊಕು ಗೆತೊಂದೆರ್.
ಒವ್ವೇ ಅಧಿಕೃತ ಲೈಸೆನ್ಸ್ದಾಂತೆ ಸಕಲೇಶಪುರರ್ದ್ ಕುಡ್ಲಗ್ ಮರ ಕೊನೊವೊಂದಿತ್ತೆರ್ ಪನ್ದ್ ತೆರಿದ್ ಬೈದಿತ್ತ್ದ್, ಈ ಬಗೆಟ್ ಪ್ರಕರಣ ದಾಕಲ್ತೊಂದೆರ್. ವಶೊಕು ಗೆತೊಂದಿನ ಗಾಡಿ ಬೊಕ್ಕ ಮರೊತ ಅಂದಾಜಿ ಮೌಲ್ಯ ಸುಮಾರ್ 7 ರ್ದ್ 8 ಲಕ್ಷ ರೂಪಾಯಿ ಆವು ಪನ್ದ್ ಅಂದಾಜಿ ಮಲ್ತ್ದೆರ್.
ಈ ಕಾರ್ಯಾಚರಣೆಡ್ ಉಪ ವಲಯ ಅರಣ್ಯಾಧಿಕಾರಿಲಾಯಿನ ವಿನಯ್ ಕುಮಾರ್, ಪ್ರವೀಣ್ ಪಿ., ಗಸ್ತು ಅರಣ್ಯ ಪಾಲಕೆರಾಯಿನ ವಿನಯ ಚಂದ್ರ, ಶಿವಾನಂದ ಕುದುರಿ, ಜಗದೀಶ್ ಕೆ.ಎನ್. ಹಾಗೂ ಡ್ರೈವರ್ ಕಿಶೋರ್ ಬೊಕ್ಕ ದಿನೇಶ್ ಪಾಲ್ಪಡೆದಿತ್ತೆರ್.