Last updated on January 12th, 2026 at 03:23 pm
ವಡೋದರ, ಜ. 12: ಭಾರತ ಏಕದಿನ ಕ್ರಿಕೆಟ್ ಕೂಟೊಡ ಓಪನಿಂಗ್ ಬ್ಯಾಟ್ಸಮನ್, ಅಂಚೆನೇ ಮಾಜಿ ನಾಯಕೆ ರೋಹಿತ್ ಶರ್ಮಾ ಅಂತರಾಷ್ಟ್ರೀಯ ಕ್ರಿಕೆಟ್ಡ್ ಮಾತೆರೆರ್ದ್ ಎಚ್ಚ ಸಿಕ್ಸರ್ ಆಕ್ದಿನ ದಾಕಲೆ ಬರೆತೆರ್.
ಸ್ಫೋಟಕ ಬ್ಯಾಟಿಂಗ್ಗ್ ಪುದರಾತಿನ ರೋಹಿತ್ ಶರ್ಮಾ ಮೇರ್ ನ್ಯೂಜಿಲೆಂಡ್ದ ಎದುರುದ ಸುರುತ ಏಕದಿನ ಗೊಬ್ಬುಡು 29 ಬಾಲ್ಡ್ 26 ರನ್ ಮಲ್ತ್ದ್ ಔಟ್ ಆಯೆರ್. ಇಂದೆಟ್ ಮೂಜಿ ಫೋರ್ ಬೊಕ್ಕ ರಡ್ಡ್ ಸಿಕ್ಸ್ ಇತ್ತ್ಂಡ್. ಈ 2 ಸಿಕ್ಸರ್ ಮುಕೇನ ಅಂತರರಾಷ್ಟ್ರೀಯ ಕ್ರಿಕೆಟ್ಡ್ 650 ಸಿಕ್ಸರ್ ಆಕಿನ ದಾಕಲೆ ಮಲ್ತೆರ್.
ಆತೇ ಅತ್ತಂದೆ, ರೋಹಿತ್ ಶರ್ಮಾ ಮೇರ್ ಏಕದಿನ ಕ್ರಿಕೆಟ್ಡ್ ಓಪನಿಂಗ್ ಬ್ಯಾಟರ್ ಆದ್ ಮಾತೆರೆರ್ದ್ ಎಚ್ಚ ಸಿಕ್ಸರ್ ಆಕ್ದಿನ ಗೊಬ್ಬುಗಾರೆ ಪನ್ಪಿ ದಾಕಲೆನ್ಲಾ ತನ್ನ ಪುದರ್ಗ್ ಮಲ್ತೊಂಡೆರ್. ಇಂದೆಕ್ ದುಂಬು ಈ ದಾಕಲೆ 328 ಸಿಕ್ಸರ್ ಆಕ್ದಿನ ಕ್ರಿಸ್ ಗೇಲ್ ಮೆರೆನ ಪುದರ್ಡ್ ಇತ್ತ್ಂಡ್. ಕೋಡೆದ ಗೊಬ್ಬುಗು ದುಂಬು 327 ಸಿಕ್ಸರ್ ಆಕ್ದಿತ್ತಿನ ರೋಹಿತ್ ರೋಹಿತ್ ಶರ್ಮಾ, ಕೋಡೆ 2 ಸಿಕ್ಸರ್ ಆಕುನ ಮುಕೇನ ಗೇಯ್ಲ್ನ ದಾಕಲೆ ಪೊಲ್ತ್ದೆರ್. ಇತ್ತೆ ಏಕದಿನೊಟು ಓಪನರ್ ಆದ್ 329* ಸಿಕ್ಸರ್ ಆಕ್ದೆರ್.
ಅಂತರರಾಷ್ಟ್ರೀಯ ಕ್ರಿಕೆಟ್ಡ್ ಒಟ್ಟು 650 ಸಿಕ್ಸರ್ ಆಕ್ದಿನ ರೋಹಿತ್ ಶರ್ಮಾ ಮೇರ್, ವಿಶ್ವ ಕ್ರಿಕೆಟ್ಡ್ ಏರ್ಲಾ ಮಲ್ಪಂದಿನ ಮಲ್ಲ ಸಾದಗೊ ಬೆನ್ತೆರ್.