ಎಲ್ಯ ಪ್ರಾಯೊಡು ಮಲ್ಲ ದಾಕಲೆ ಬರೆಯಿನ ಆರ್‌ಸಿ‌ಬಿದ ಶ್ರೇಯಾಂಕಾ ಪಾಟೀಲ್

Last updated on January 17th, 2026 at 01:25 pm

ಜ. 17: ರಾಯಲ್ ಚಾಲೆಂಜರ್ಸ್ ಬೆಂಗಳೂರುದ ಪರವಾದ್ ಶ್ರೇಯಾಂಕಾ ಪಾಟೀಲ್ ಇದಮುಟ್ಟ 18 ಗೊಬ್ಬುಲೆನ್ ಗೊಬ್ಬುದ್, 317 ಬಾಲ್ ಮಲ್ತ್‌ದ್ ಒಟ್ಟು 27 ವಿಕೆಟ್ ದೆತೊಂದೆರ್. ಅವೆಟ್ಲಾ ಮೂಜಿ ಸರ್ತಿ ಮೂಜೆರ್ದ್ ಎಚ್ಚ ವಿಕೆಟ್ ದೆತ್ತಿನ ಪೊಸ ದಾಕಲೆ ಮಲ್ತ್‌ದೆರ್.

ವುಮೆನ್ಸ್ ಪ್ರೀಮಿಯರ್ ಲೀಗ್‌ಡ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಕೂಟೊದ ಆಲ್‌ರೌಂಡರ್ ಶ್ರೇಯಾಂಕಾ ಪಾಟೀಲ್ ನವಿ ಮುಂಬೈಡ್ ನಡತಿನ WPL ಗೊಬ್ಬುಡು 5 ವಿಕೆಟ್ ಗೆತೊಂದು ತನ್ನ ಪುದರ್‌ಡ್ ಮಲ್ಲ ದಾಕಲೆ ಬರೆಯೊಂದೆರ್.

ನವಿ ಮುಂಬೈಡ್ ನಡತಿನ ವುಮೆನ್ಸ್ ಪ್ರೀಮಿಯರ್ ಲೀಗ್‌ದ 9ನೇ ಗೊಬ್ಬುಡು ಗುಜರಾತ್ ಜೈಂಟ್ಸ್ ವಿರುದ್ಧ 3.5 ಓವರ್ ಮಲ್ತಿನ ಶ್ರೇಯಾಂಕಾ ಪಾಟೀಲ್ ಕಾಲಿ 23 ರನ್ ಕೊರ್ದು 5 ವಿಕೆಟ್ ದೆತ್ತೆರ್. ಇಂದೆತ ಒಟ್ಟುಗು WPL ಡ್ 5 ವಿಕೆಟ್ ದೆತ್ತಿನ ಬಜೀ ಎಲ್ಯ ಪ್ರಾಯೊದ ಗೊಬ್ಬುಗಾರ್ತಿ ಪನ್ಪಿ ಪುಗರ್ತೆ 23 ವರ್ಸ ಪ್ರಾಯೊದ ಶ್ರೇಯಾಂಕಾನ ಪುದರ್‌ಗ್ ಆಂಡ್.

ಆತೇ ಅತ್ತಂದೆ ವುಮೆನ್ಸ್ ಪ್ರೀಮಿಯರ್ ಲೀಗ್ ಇತಿಹಾಸೊಡೇ ಮೂಜಿ ಸರ್ತಿ 4 ವಿಕೆಟ್ ದೆತ್ತಿನ ಬೌಲರ್ ಪನ್ಪಿ ಪುಗರ್ತೆಗ್ಲಾ ಪಾತ್ರೆರಾಯೆರ್.

2024ತ ವುಮೆನ್ಸ್ ಪ್ರೀಮಿಯರ್ ಲೀಗ್‌ಡ್ ಶ್ರೇಯಾಂಕಾ ಪಾಟೀಲ್ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 4 ಓವರ್‌ಡ್ 26 ರನ್ ಕೊರ್ದು 4 ವಿಕೆಟ್ ದೆತ್ತಿತ್ತೆರ್. ಉಂದಾಯಿ ಬೊಕ್ಕ 2024ತ WPL ಫೈನಲ್‌ಡ್ ಕುಡ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ದ ಕಾಲಿ 12 ರನ್ ಕೊರ್ದು 4 ವಿಕೆಟ್ ದೆತ್ತಿತ್ತೆರ್.

ಇತ್ತೆ ಗುಜರಾತ್ ಜೈಂಟ್ಸ್ ವಿರುದ್ಧ 5 ವಿಕೆಟ್ ದೆಪ್ಪುನ ಮುಕೇನ ವುಮೆನ್ಸ್ ಪ್ರೀಮಿಯರ್ ಲೀಗ್ ಇತಿಹಾಸೊಡೇ ಮೂಜಿ ಸರ್ತಿ 4 ಅತ್ತ್ಂಡ 4+ ವಿಕೆಟ್ ದೆತೊಂದಿನ ಒರ್ತೇ ಒರ್ತಿ ಗೊಬ್ಬುಗಾರ್ತಿ ಆತೆರ್.