Last updated on January 23rd, 2026 at 09:21 am
ಕುಡ್ಲ, ಜ. 23: ಇನ್ಸ್ಟಾಗ್ರಾಮ್ಡ್ “ಮುಂಗುಲಿ ಮುಸುಂಟುದಾಯೆ”, “ಮುಜ್ಜು ಮುಸುಂಟುದಾಯೆ”, “ಮರುವಯಿ ಮುಸುಂಟುದಾಯೆ” ಪನ್ದ್ ಕಮೆಂಟ್ ಮಲ್ತಿನಕ್ಲೆಗ್ ನೆರೊಂದೇ ಫೇಮಸ್ ಆದಿತ್ತಿನ, ಪಡೀಲ್ದ ಆಶಾ ಪಂಡಿತ್ ಕೋಡೆ ರಾತ್ರೆ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್.
ಪಡೀಲ್ಡ್ ಎಲ್ಯ ಗೂಡಂಗಡಿ ನಡಪಾವೊಂದು, ಅಲ್ಪನೇ ವೀಡಿಯೋ ಮಲ್ತೊಂದಿತ್ತಿನ ಮೇರ್ ಇನ್ಸ್ಟಾಗ್ರಾಮ್ಡ್ ಎಂಚಿನೆಂಚಿನ ಕಮೆಂಟ್ ಪಾಡಿನಕ್ಲೆಗ್ ಆರೆನನೇ ಶೈಲಿಡ್ ನೆರೊಂದು ವೈರಲ್ ಆತಿನಾರ್. ತನ್ನ ಈ ಪಾತೆರೊಲೆಡೇ ಸುಮಾರ್ 27ಸಾರದಾತ್ ಫಾಲೋವರ್ಸ್ ಮಲ್ತೊಂದಿನ ಆಶಕ್ಕ ನನ ನೆಂಪು ಮಾತ್ರ. ಮೇರ್ ತುಳು ರಂಗಭೂಮಿಡ್ಲಾ ನಟನೆ ಮಲ್ತ್ದೆರ್, ಕುಸಲ್ದರಸೆ ನವೀನ್ ಡಿ ಪಡೀಲ್ರೆನ ಒಟ್ಟುಗು ರಂಗ್ ಪಾಡ್ದಿನೆನ್ಲಾ ಆರೆನ ಇಂಚಿಪದ ಇಂಟರ್ವ್ಯೂ ಒಂಜೆಟ್ ಪಟ್ಟೊಂದೆರ್.
ಆರೆನ ಅಂತಿಮ ಕಾರ್ಯ ಇನಿ ಆರೆನ ಪಡೀಲ್ದ ಇಲ್ಲಡ್ ನಡಪುಂಡು.