Last updated on January 24th, 2026 at 02:27 pm
ಬೋಲ್ತೇರ್, ಜ. 24: ಕಾರ್ ಎಡ್ತ್ದ್ ಸ್ಕೂಟರ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಮೊಡಂತ್ಯಾರ್ ಪನ್ಪಿನಲ್ಪ ನಡತ್ದ್ಂಡ್. ಕಾವಳಮೂಡೂರು ಕಾರಿಂಜ ಪಡಿ ನಿವಾಸಿ ಪದ್ಮನಾಭ ದೇವಾಡಿಗ(45) ತೀರ್ದಿನಾರ್.
ಮೇರ್ ಉಬಾರ್ದ ಹೋಟೆಲ್ ಒಂಜೆಟ್ ಸಪ್ಲಾಯರ್ ಆದ್ ಬೇಲೆ ಮಲ್ತೊಂದಿತ್ತ್ದ್, ಮೂಜಿ ದಿನಕೊರ ಇಲ್ಲಡೆ ಪೋದು ಬರೊಂದಿತ್ತೆರ್. ಜ.23 ತಾನಿ ರಾತ್ರೆ ಹೋಟೆಲ್ಡ್ ಬೇಲೆ ಮುಗಿತ್ದ್ ಸುಮಾರ್ 11.30 ತ ಅಂದಾಜಿಗ್ ಪೋವೊಂದುಪ್ಪುನಗ ಪುಂಜಾಲಕಟ್ಟೆ ಬೊಕ್ಕ ಮೊಡಂತ್ಯಾರ್ ನಡುಟು ಕುಡ್ಲ ಏರ್ ಪೋರ್ಟ್ ರ್ದ್ ಬರೊಂದಿತ್ತಿನ ಕಾರ್ ಎಡ್ತ್ದ್ಂಡ್ ಪನ್ದ್ ಪೋಲೀಸೆರ್ ತೆರಿಪಾದೆರ್.
ತೀರ್ದಿನಾರ್ ಬೊಡೆದಿ, ಒರಿ ಮಗೆ, ಒರ್ತಿ ಮಗಲ್ ಸೇರ್ದ್ ಪಾಕ ಬಂಧುಲೆನ್ ಅಗತ್ದೆರ್. ಜಾಗೆಗ್ ಪುಂಜಾಲಕಟ್ಟೆ ಪೋಲೀಸೆರ್ ಬತ್ತ್ದ್ ಪ್ರಕರಣ ದಾಕಲ್ತೊಂದೆರ್.