Last updated on January 25th, 2026 at 10:06 am
ಕುಡ್ಲ, ಜ. 24: ಸ್ವಾತಿ ಆರ್ಟ್ಸ್ ಬ್ಯಾನರ್ ಅಡಿಟ್ ಕರಿನ ಮೂಜರೆ ದಶಕೊರ್ದು ಸೃಜನಶೀಲ ಬೊಕ್ಕ ಲಲಿತಕಲೆಟ್ ಸಕ್ರಿಯವಾದ್ ಇಪ್ಪೆದಿನಾರ್, ಸ್ವಾತಿ ಸತೀಶ್ ಪನ್ದೇ ಪುದರಾತಿನ ಮುಡಿಪು ನಿವಾಸಿ ಸತೀಶ್ (49) ಮೇರ್ ಸನಿಯಾರ ತೀರ್ದೆರ್. ವೈಯಕ್ತಿಕ ನೆವನೊಲೆರ್ದಾವರ ಬೆಸರ್ಡ್ ಇತ್ತಿನ ಆರ್ ಮುಡಿಪುದ ಮಿತ್ತಬಾರೆ ಕೈತಲ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್.
ಚಿತ್ರಕಲೆ ಬೊಕ್ಕ ಸಂಗೀತೊಡು ಒವ್ವೇ ಔಪಚಾರಿಕ ತರಬೇತಿ ಇಜ್ಜಿಂಡಲಾ, ತನ್ನನೇ ಉಮೇದ್ಡ್ ಈ ರಡ್ಡೆನ್ಲಾ ಕಲ್ತ್ದ್, ಅವೆನೇ ತನ್ನ ಕಸುಬು ಮಲ್ತೊಂದು ಬದ್ಕ್ ಕಟ್ಟೊಂದಿತ್ತೆರ್.
ಎಡ್ಡೆ ಕೀಬೋರ್ಡ್ ವಾದಕೆರಾದಿತ್ತಿನ ಸತೀಶ್ ಮೇರ್ ಪಾಕ ಕಾರ್ಯಕ್ರಮೊಲೆಗ್ ಸಂಗೀತ ಕೊರ್ಪೆದೆರ್. ಸ್ವತಃ ಸಂಗೀತ ಸಂಯೋಜಕೆರಾದಿತ್ತಿನ ಆರ್, ಪಾಕ ಜೋಕುಲೆಗ್ ಕೀಬೋರ್ಡ್ ಕಲ್ಪಾದೆರ್, ಕಲ್ಪಾವೊಂದಿತ್ತೆರ್. ಸಾಂಸ್ಕೃತಿಕ ಕಾರ್ಯಕ್ರಮೊಲೆಗ್ ಮಿತ್ತರ್ಮೆ ವಿನ್ಯಾಸ (ಬ್ಯಾಕ್ಡ್ರಾಪ್), ಮೇಕಪ್, ಸಿಮೆಂಟ್ ಶಿಲ್ಪಕಲೆ, ಕರಕುಶಲ ಬೊಕ್ಕ ಬ್ಯಾನರ್ ಬರವುಡು ಆರ್ ಪುದರ್ ಪೋತಿನಾರ್.