Last updated on January 25th, 2026 at 07:06 pm
ಬೋಲ್ತೇರ್, ಜ. 25: ಕರೆಂಟ್ ಶಾಕ್ ಆಕ್ದ್ ಆಂಜೊವು ಒರಿ ತೀರ್ದಿನ ನಡಕೆ ಗುರಿಪಳ್ಳ ಪನ್ಪಿನಲ್ಪ ಜ.25ತ ಐತಾರ ಕಾಂಡೆ ನಡತ್ದ್ಂಡ್.
ತೀರ್ದಿನಾರೆನ್ ಕನ್ಯಾಡಿ ಗ್ರಾಮದ ಗುರಿಪಳ್ಳ ಕೈತಲ್ದ ಕಡ್ಯಾರ್ ನಿವಾಸಿ ಶಿವಪ್ರಸಾದ್ ಅಡಪ (48) ಪನ್ದ್ ಗುರ್ತ ಪತ್ತ್ದೆರ್.
ಶಿವಪ್ರಸಾದ್ ಮೇರ್ ಏಪೊಲ್ದಲೆಕ ಕಾಂಡೆ ಇಲ್ಲ ಕೈತಲ್ದ ಪಂಪ್ ಸ್ವಿಚ್ ಪಾಡುನ ಪೊರ್ತುಡು ಕರೆಂಟ್ ಶಾಕ್ ಆಕ್ದ್ ದೂರ ರಟ್ಟ್ದ್ ಗಾತಿದ ಗಡಿಕುಲಾತ. ಅಪಗನೇ ಇಲ್ಲದಕುಲು ಆರೆನ್ ಉಜಿರೆ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಅಡೆ ಎತ್ತೆರೆ ಆನಗ ತೀರ್ದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.