Last updated on January 26th, 2026 at 02:52 pm
ಜ. 26: ಟಿ20 ಕ್ರಿಕೆಟ್ ಇತಿಹಾಸೊಡೇ ಇದಮುಟ್ಟ ಏರೆರ್ದ್ಲಾ ಆವಂದಿನ ವಿಶ್ವ ದಾಖಲೆ ಒಂಜೆನ್ ಅಭಿಷೇಕ್ ಶರ್ಮಾ ಮಲ್ತ್ದೆರ್. ಅವುಲಾ ಒಂಜೇ ಒಂಜಿ ಡಾಟ್ ಬಾಲ್ ದಾಂತೆ. ಪನ್ಡ ನ್ಯೂಝಿಲೆಂಡ್ ವಿರುದ್ಧೊದ 3ನೇ ಟಿ20 ಗೊಬ್ಬುಡು ಅಭಿಷೇಕ್ ಒಂಜೇ ಒಂಜಿ ಬಾಲ್ಲಾ ಬುಡ್ತುಜೆರ್.
ಈ ಗೊಬ್ಬುಡು ಓಪನರ್ ಆದ್ ಕಲೊಕು ಜತ್ತಿನ ಅಭಿಷೇಕ್ ಶರ್ಮಾ ಒಟ್ಟು 20 ಬಾಲ್ ಗೊಬ್ಬಿಯೆರ್. ಈ ಇರ್ವ ಬಾಲ್ಡ್ಲಾ ರನ್ ಮಲ್ಪುನ ಮುಕೇನ ಇತ್ತೆ ಪೊಸ ವಿಶ್ವ ದಾಖಲೆನ್ ಬರೆತೆರ್. ಈ ಮುಕೇನ ಇಂಚಿನ ಒಂಜಿ ಇನಿಂಗ್ಸ್ ಗೊಬ್ಬಿನ ಐಸಿಸಿದ ಪೂರ್ಣ ಸದಸ್ಯ ರಾಷ್ಟ್ರೊದ ಕಡೀರ ಬ್ಯಾಟರ್ ಆತೆರ್.
ಈ ಗೊಬ್ಬುಡು ಒಟ್ಟು 20 ಬಾಲ್ ಗೊಬ್ಬಿನ ಅಭಿಷೇಕ್ ಶರ್ಮಾ ಸುರುತ 14 ಬಾಲ್ಡ್ ಕ್ರಮೊಟು 6,1,4,2,4,6,4,2,6,1,4,1,4,6,1,4,6,4,1,1 ರನ್ ಮಲ್ತ್ದೆರ್. ಈ ಮುಕೇನ ಕಾಲಿ ಪದಿನಾಲ್ ಬಾಲ್ಡ್ ಅರ್ಧಶತಕ ಮಲ್ತ್ ದಾಖಲೆ ಮಲ್ತ್ದೆರ್.
ಅರ್ಧಶತಕೊರ್ದು ಬೊಕ್ಕ 6 ಬಾಲ್ ಗೊಬ್ಬಿನ ಅಭಿಷೇಕ್ ಶರ್ಮಾ 1,4,6,4,1,1 ರನ್ ಮಲ್ತ್ ದೆರ್ . ಈ ಮುಕೇನ 20 ಬಾಲ್ಡ್ ಅಜೇಯ 68 ರನ್ ಮಲ್ತ್ದೆರ್. ಉಂದೆತ ಒಟ್ಟುಗು ಟಿ20 ಕ್ರಿಕೆಟ್ ಇತಿಹಾಸೊಡೇ ಒಂಜೇ ಒಂಜಿ ಡಾಟ್ ಬಾಲ್ ಗೊಬ್ಬಂದೆ ಮಾತೆರೆರ್ದ್ ಎಚ್ಚ ವೈಯುಕ್ತಿಕ ಸ್ಕೋರ್ ಮಲ್ದಿನ ಬ್ಯಾಟರ್ ಪನ್ಪಿ ವಿಶ್ವ ದಾಖಲೆ ಅಭಿಷೇಕ್ ಶರ್ಮಾ ನ ಪುದರ್ಡ್ ಆತ್ಂಡ್.
ಆತೇ ಅತ್ತಂದೆ ಈ ಗೊಬ್ಬುಡು 340 ಸ್ಟ್ರೈಕ್ ರೇಟ್ಡ್ ಬ್ಯಾಟಿಂಗ್ ಮಲ್ತಿನ ಅಭಿಷೇಕ್ ಶರ್ಮಾ ಅಜೇಯ 68 ರನ್ ಮಲ್ತ್ದೆರ್. ಈ ಮುಕೇನ 300 ರ್ದ್ ಎಚ್ಚ ಸ್ಟ್ರೈಕ್ ರೇಟ್ಡ್ ಇನಿಂಗ್ಸ್ 50+ ಸ್ಕೋರ್ ಮಲ್ತ್ದ್ ಅಜೇಯೆರಾದ್ ಒರಿದಿನ ಬ್ಯಾಟರ್ನಕ್ಲೆನ ಪಟ್ಟಿಡ್ಲಾ ಅಭಿಷೇಕ್ ಶರ್ಮಾ ಗ್ ಜಾಗೆ ತಿಕ್ಕ್ದ್ಂಡ್. ಒಟ್ಟಾರೆ ಟಿ20 ಕ್ರಿಕೆಟ್ಡ್ ತನ್ನ ಅಬತರ ದುಂಬರಿತ್ದಿನ ಅಭಿಷೇಕ್ ದಾಕಲೆಲೆನ ಮಿತ್ತ್ ದಾಕಲೆ ಬರೆಯೊಂದಿತ್ತ್ದ್, ಬರ್ಪಿನ ಟಿ20 ವಿಶ್ವಕಪ್ಡ್ಲಾ ಜವನನ ಬ್ಯಾಟ್ರ್ದ್ ನನಲಾತ್ ರೆಕಾರ್ಡ್ಲ್ ಆಪಿನೆನ್ ನಿರೀಕ್ಷೆ ಮಲ್ಪೊಲಿ.