Last updated on January 30th, 2026 at 07:08 am
ಸಂಪಾಜೆ, ಜ. 30: ಒಂಜಿ ಕಾರ್ ರಿಕ್ಷಾಗ್ ಪಿರವುರ್ದ್ ಎಡ್ತಿನೆರ್ದಾವರ ರಿಕ್ಷಾ ಸಾದಿಗ್ ಕಬ್ಬೆ ಬೂರ್ದಿತ್ತ್ದ್, ಈ ಪೊರ್ತುಡು ಎದುರುರ್ದ್ ಬತ್ತಿನ ಲಾರಿ ಒಂಜಿ ರಿಕ್ಷಾಗ್ ಎಡ್ತ್ದ್ಂಡ್. ಈ ಭೀಕರ ಎಡ್ತೆಡ್ ರಿಕ್ಷಾ ಡ್ರೈವರ್ ಅಲ್ಪನೇ ತೀರ್ದಿನ ನಡಕೆ ಕೋಡೆ ಮದ್ಯಾನ ಸಂಪಾಜೆ ಗೇಟ್ದ ಕೈತಲ್ ನಡತ್ದ್ಂಡ್.
ರಿಕ್ಷಾ ಸಂಪಾಜೆ ಗೇಟ್ರ್ದ್ ಚೆಡಾವು ದಂಚಿ ಪೋವೊಂದಿತ್ತ್ದ್, ಕೊಡಗು ಸಂಪಾಜೆ ಪೆಟ್ರೋಲ್ ಪಂಪ್ ಕೈತಲ್ ತಿರ್ಗೆಲ್ಡ್ ಪಿರವುರ್ದ್ ಬತ್ತ್ದ್ ಕಾರ್ ಎಡ್ತ್ದ್, ರಿಕ್ಷಾ ಕಬ್ಬೆ ಬೂರ್ದ್ಂಡ್. ಅವ್ವೇ ಪೊರ್ತುಡು ಎದುರುರ್ದ್ ಬರೊಂದಿತ್ತಿನ ಲಾರಿಲಾ ರಿಕ್ಷಾಗ್ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ರಿಕ್ಷಾ ಡ್ರೈವರ್ನ ಮಿತ್ತ್ಡೆ ಲಾರಿ ಪೋದು ಅಲ್ಪನೇ ತೀರ್ದೆರ್. ರಿಕ್ಷಾಡ್ ಇತ್ತಿನ ಕುಡೊರ್ಯಗ್ಲಾ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್.
ತೀರ್ದಿನ ಕೊಯ್ನಾಡ್ದ ರಿಕ್ಷಾ ಡ್ರೈವರ್ ಸುಂದರ್ ಚಿಟ್ಟಿಕಾನ (62) ಮೇರ್ ಕೊಡಗು ಸಂಪಾಜೆ ಗ್ರಾಮ ಪಂಚಾಯತ್ದ ಪದುಕೆರಾದ್, ಒತ್ತು ಗುರ್ಕಾರ್ಲಾದ್ ಬೆನ್ತಿನಾರ್, ಸಾಮಾಜಿಕವಾದ್ಲಾ ಎಡ್ಡೆ ಸಕ್ರಿಯೆರಾದ್ ಇತ್ತಿನಾರ್.
ಎಡ್ತಿನ ಕಾರ್ನ್ ಪೋಲೀಸೆರ್ ವಶೊಕು ಗೆತೊಂದೆರ್