Last updated on January 29th, 2026 at 02:01 pm
ತುಲುವೆರೆ ಜಾಲ್ ಕಣ್ವತೀರ್ಥ, ತುಲುನಾಡ ಜೋಕ್ಲೆನ ಸಾಂಸ್ಕೃತಿಕ ಬೊಕ ಸಾಹಿತ್ಯ ಸೇವಾ ಕೂಟ, ಜೋಕ್ಲೆಡ್ ಸಾಹಿತ್ಯೊದ ಆಸಕ್ತಿ ಪುಟ್ಟಾವುನ ದಿಟ್ಟಿಡ್ 2025 ಟ್ ಉಂಡಾತ್ಂಡ್. ಜೋಕ್ಲೆನ ಪುಟ್ಟು ಪರ್ಬೊದಾನಿ ಈ ಲೇಸ್ ನ್ ಮನ್ಪುನ ಮೂಲಕ ಉದಿಪನ ಆಯಿನ ಈ ಕೂಟ ಉಂದುವೇ ಬರ್ಪುನ 22-02-2026 ಐತಾರದಾನಿ ಒಂಜನೇ ವರ್ಷದ ಲೇಸ್ ಮಂತೊಂದುಂಡು.
ತುಲುವೆರೆ ಜಾಲ್ ಕಣ್ವತೀರ್ಥ ಬೊಕ ಶ್ರೀ ಮಾತಾ ಕಲಾ ಮಂದಿರ ವೈಶಾಲಿ ಕುಂಜತ್ತೂರು ಮುಕ್ಲೆನ ಒತ್ತು ಸೇರಿಗೆಡ್ ನಡಪುನ ಈ ಲೇಸ್ಡ್, ಕಾಸರಗೋಡು ಜಿಲ್ಲಾ ಮಟ್ಟದ ಪ್ರತಿಭೆ ಕುಮಾರಿ ರಶ್ಮಿತಾ ಕುಲಾಲ್ ತೂಮಿನಾಡ್ ಗುರ್ಕರ್ಮೆಡುಲ್ಲೆರ್. “ಸಾಹಿತ್ಯ ಪುಟ್ಟುನ ಗುಟ್ಟೆಂಚಾ..?” ಪನ್ಪುನ ವಿಷಯಡ್ ಪೆರಿಯ ಸಾಹಿತಿ, ಪತ್ರಕರ್ತೆರಾಯಿನ ಶ್ರೀ ರಾಧಾಕೃಷ್ಣ ಉಳಿಯತಡ್ಕ ಕಜ್ಜಕೊಟ್ಯನ್ ನಡಪಾಯೆರೆ ಉಲ್ಲೆರ್. ಶ್ರೀಮತಿ ಚಂದ್ರಿಕಾ, ನಿವೃತ್ತ ಮುಖ್ಯ ಕಲ್ಪಾದಿ ಮಲ್ಲ ಬಿನ್ನೆರಾದ್ ಪಾಲ್ ಪಡೆಪೆರ್.
ಈ ಸಂದೆರ್ಪುಡು ತುಲುವೆರೆ ಜಾಲ್ ಕೂಟರ್ದ್ ನಡತಿನ, ಬೆಂಗ್ಳೂರುದ ತುಲುವೆರೆ ಚಾವಡಿ ಮುಕುಲು ಜೋಕುಲೆಗಾದ್ ಸಂಪೊಲಿಗೆ ಮಂತಿನ ಜೋಕುಲೆ ಉಜ್ಜಾಲ್ ಪದ ಜೊಂಕುಲಿರ್ದ್, ಅಂಗನವಾಡಿ ಜೋಕ್ಲೆಗಾದ್ ಪದ ಪಂತೊಡು ಗೆಂದಿನ ಜೋಕ್ಲೆಗ್ ಇನಾಮು ಪಟ್ಟುನ ಲೇಸ್ ಲಾ ನಡಪೆರೆ ಉಂಡು.
ಈ ಲೇಸ್ಡ್ ನಡಪುನ ಜೋಕ್ಲೆನ ಬಹುಭಾಷಾ ಕಬಿಗೋಷ್ಠಿಡ್ ಪಾಲ್ ಪಡೆಯೆರೆ ಉಮೇದ್ ಇತ್ತಿನ 16 ವರ್ಷದ ಉಲಯಿದ ಜೋಕುಲು 9605864329 ಈ ನಂಬರ್ಗ್ ನಿಕ್ಲೆನ ಪುದರ್ 10-02-2026 ತ ಉಲಯಿ ತೆರಿಪಾವೊಡೂಂದು ಪನ್ತೆರ್.
ಲೇಸ್ ನಡಪುನ ಜಾಗೆ : ಶ್ರೀ ಮಾತಾ ಕಲಾ ಮಂದಿರ ವೈಶಾಲಿ ಕುಂಜತ್ತೂರು ತೂಮಿನಾಡ್
ಕ್ರಿಕ್ ಹಾಲ್ ದ ಕೈತಲ್
ಮಂಜೇಶ್ವರ, ಕಾಸರಗೋಡು
