Last updated on February 2nd, 2026 at 09:56 am
ಬೋಲ್ತೇರ್, ಫೆ. 02: ರಾಷ್ಟ್ರೀಯ ಪೆರ್ಸಾದಿದ ಚಾರ್ಮಾಡಿ ಗ್ರಾಮೊದ ಕಕ್ಕಿಂಜೆಡ್ ಡ್ರೈವರ್ನ ಗೋಸ್ಮರಿರ್ದಾವರ ಕಾರ್ ಒಂಜಿ ಎಡ್ತ್ದ್ ಪೆರ್ಸಾದಿದ ಬರಿಟ್ ಉಂತುದಿತ್ತಿನ ಇರ್ವೆರೆಗ್ ಗಾತಿದ ಗಡಿಕುಲಾತಿನ ನಡಕೆ ಕೋಡೆ ಐತಾರ ನಡತ್ದ್ಂಡ್.
ಮುಲ್ಪದಕುಲೇ ಆಯಿನ ಉಮೇಶ್(49) ಬೊಕ್ಕ ಸೀನಪ್ಪ ಪೂಜಾರಿ(60) ಗಡಿಕುಲಾತಿನಕುಲು. ಮೊಕುಲು ಕಕ್ಕಿಂಜೆದ ಆಯಿಲ್ ಮಿಲ್ದ ಕೈತಲ್ ಐತಾರ ಮಧ್ಯಾಹ್ನ 12.30ತ ಅಂದಾಜಿಗ್ ಇಲ್ಲಗ್ ಪೋಯೆರ ರಿಕ್ಷಾಗ್ ಕಾತೊಂದುಪ್ಪುನಗ ಈ ನಡಕೆ ನಡತ್ದ್ಂಡ್. ಡ್ರೈವರ್ ಹರ್ಷನ್ ಮನೋಜ್ ಪನ್ಪಿನಾಯೆ ಉಜಿರೆ ದಂಚಿರ್ದ್ ಚಾರ್ಮಾಡಿ ದಂಚಿ ಅಜಾಗರೂಕತೆ ಬೊಕ್ಕ ಗೋಸ್ಮರಿಡ್ ಸಾದಿದ ಬಾರೀ ಎಡತ್ತ್ಡ್ ಕಾರ್ ಬುಡೊಂದು ಪೋದು ಸಾದಿ ಬರಿಟ್ ಉಂತುದಿತ್ತಿನ ಇರ್ವೆರೆಗ್ ಎಡ್ತ್ದೆ ಪನ್ದ್ ಆರೋಪ ಮಲ್ತ್ದೆರ್.
ಎಡ್ತೆಡ್ ಇರ್ವೆರ್ಲಾ ಕಾರ್ದ ಎದುರುದ ಗ್ಲಾಸ್ಗ್ ಬೂರ್ದು ಬರಿತ ಮಣ್ಣ್ದ ಸಾದಿಗ್ ರಟ್ಟ್ದೆರ್. ಸೀನಪ್ಪೆರೆನ ತರೆಕ್ ಗಾತಿದ ಗಡಿಯಾದಿತ್ತ್ದ್, ಕೈತಲ್ದ ಆಸ್ಪತ್ರೆಡ್ ಮರ್ದ್ ಮಲ್ತ್ದ್ ಎಚ್ಚಿಗೆದ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ದಾಕಲ್ತ್ದೆರ್. ಉಮೇಶೆರೆನ ಎಡತ ಕಾರ್, ತರೆ, ಕೈಕ್ ಎಡ್ತಿನ ಗಡಿಕುಲಾದಿತ್ತ್ದ್, ಕಕ್ಕಿಂಜೆ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಉಮೇಶೆರ್ ಬರೆಪಾದಿನ ಒಯಿಲ್ದ ಪ್ರಕಾರ ಬೋಲ್ತೇರ್ ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.