ತುಳುಟೇ ಬರೊಂದುಂಡು ಕಾಂತಾರ!

Last updated on October 22nd, 2022 at 04:53 pm

ತುಳುನಾಡ ಪರಪೋಕುದ ಕತೆ, ದೈವಾರಾಧನೆದ ಪೊಲಬು ಉಪ್ಪುನ ಕಾಂತಾರ ಪಿಚ್ಚರ್ ಕನ್ನಡೊಡು ಮಲ್ದಿತ್ತೆರ್. ಪಿಚ್ಚರ್ಡ್ ಅಲ್ಪಲ್ಪ ದೈವದ ನುಡಿ ಪೂರಾ ತುಳುಟೇ ಇತ್ತ್ಂಡಲಾ, ಪೂರ ಪಿಚ್ಚರ್ ತುಳುಟು ಇಜ್ಜಿ ಪನ್ಪಿನ ಬೆಸರ್ ತುಳುವೆರೆಗ್ ಇತ್ತ್ಂಡ್. ಓಲಾಂಡಲಾ ಈ ಪಿಚ್ಚರ್ ತುಳುಟು ಇತ್ತ್ಂಡ ತೂವರೆಗ್ ಬೊಕ್ಕಲಾ ಇರ್ಮನೆ ಆತು ಪನ್ಪಿನ ಅಭಿಪ್ರಾಯ ಇತ್ತ್ಂಡ್. ಏತೋ ತುಳುವೆರ್ ಟ್ವಿಟರ್ ಫೇಸ್ಬುಕುಡು ಪೋಸ್ಟ್ ಪಾಡ್ಡ್ ಕಾಂತಾರೊನು ತುಳುಕು ಡಬ್ ಮಲ್ಪುಲೆ ಪನ್ದ್ ಪನೊಂದಿತ್ತೆರ್.

ಉಂದೆನ್ ಉಡಲ್ ಗ್ ದೆತೊನಿನ ಪಿಚ್ಚರ್ದಕುಲು ಇತ್ತೆ ಕಾಂತಾರೊನು ತುಳುಕು ಡಬ್ ಮಲ್ಪರೆ ಪಿದಡ್ದೆರ್. ತುಳು ಡಬ್ಬಿಂಗ್ ದ ಬೇಲೆ ಬರಸ್ಸ್ ಡ್ ಸಡತೊಂದುಂಡು. ಆಯಿನಾಕ್ ಬೇಗ ತುಳುಟೇ ತುಳುನಾಡ್ ಬೊಂಬಾಯಿಡ್ ಪೂರಾ ಕಾಂತಾರ ಪಿಚ್ಚರ್ ರಿ-ರಿಲೀಸ್ ಆಪುಂಡು. ಪಿಚ್ಚರ್ಡ್ ಎಚ್ಚಿನಕುಲು ತುಳುವೆರೇ ಆಯಿನೆರ್ದಾವರ ಅಕಲೆಗ್ ಡಬ್ ಮಲ್ಪುನ ಬಂಗ ಆಯಿಜಿ. ರಿಶಬ್ ಶೆಟ್ಟಿನ ಪಾತ್ರೊಗು ಅರ್ಜುನ್ ಕಾಪಿಕಾಡ್ ಡಬ್ ಮಲ್ತೊಂದುಲ್ಲೆರ್.

ತುಳು ಪಿಚ್ಚರ್ಲೆನ ಇತಿಹಾಸೊಡು ಉಂದೊಂಜಿ ಪೊಸ ಇತಿಹಾಸ ಬರೆಪುಲೆಕ್ಕ ಉಂಡು. ತುಳುಟು ನನಲಾತ್ ಪಿಚ್ಚರ್ಲು ಡಬ್ ಆದ್ ಬರೊಡು. ತುಳುವೆರ್ ಲೋಕೊರ್ಮೊದ ಪಿಚ್ಚರ್ಲೆನ್ ತುಳುಟೇ ತೂಪಿನ ಕಾಲ ಬರು.