Last updated on February 9th, 2026 at 10:16 am
ಕುಡ್ಲ, ಫೆ. 09: ಪೋವೊಂದಿತ್ತಿನ ಕಾರ್ ಒಂಜಿ ಸೂ ಪತೊಂದು ಪೊತ್ತುದ್ ಪೋತಿನ ನಡಕೆ ಕುಡ್ಲದ ಬಿಜೈ ಕೆ.ಎಸ್. ಆರ್. ಟಿ.ಸಿ. ಬಸ್ ಉಂತಡೆದ ಕೈತಲ್ ಮೈನ್ರೋಡ್ಡ್ ಕೋಡೆ ಬಯ್ಯಡ್ ನಡಣ್ದ್ಂಡ್.
ಕಾರ್ದ ಡ್ರೈವರ್ ಊಂಬರೊ(ಅಪಾಯ) ರ್ದ್ ಬಚಾವಾತೆರ್. ಕಾರ್ ಪೋವೊಂದುಪ್ಪುನಗನೇ ಒರರ್ದ್ ಒರಾನೆ ಸೂ ತೋಜಿದ್ ಬೈದ್ಂಡ್. ಅಪಗನೇ ಕಾರ್ ಉಂತಾದ್ ಡ್ರೈವರ್ ಪಿದಯಿ ಬತ್ತ್ದೆರ್.
ಕದ್ರಿ ಅಗ್ನಿಶಾಮಕ ದಳೊತಕುಲು ಅನಗನೇ ಬತ್ತ್ದ್ ಕಾರ್ಯಾಚರಣೆ ಮಲ್ತ್ದ್ ಸೂ ತೆಕ್ಕಾದೆರ್. ಆಂಡ ಆತನಗ ಕಾರ್ದ ಅರ್ದಬಾಸಿ ಪೊತ್ತುದು ಪೋದಿತ್ತ್ಂಡ್.
ಕಾರ್ಡ್ ಅವೆತ ದನಿ ಮುನ್ನರ್ ಶೆಟ್ಟಿ ಮಾತ್ರ ಇತ್ತೆರ್. ರೆನಾಲ್ಟ್ ಟ್ರೈಬರ್ ಕಾರ್ ಉಂದಾದಿತ್ತ್ದ್ ಕಾರ್ದ ಬ್ಯಾಟರಿ ದಲ್ಪ ಶಾರ್ಟ್ ಸರ್ಕ್ಯೂಟ್ ಆದ್ ಸೂ ಪತೊಂದಿನ ಸಾಧ್ಯತೆ ಇಪ್ಪು ಪನ್ದ್ ಅಗ್ನಿಶಾಮಕ ದಳೊತ ಅಧಿಕಾರಿಲು ಅಂದಾಜಿ ಮಲ್ತ್ದೆರ್.