Last updated on February 9th, 2026 at 01:34 pm
ಬಿಜಾಪುರ, ಫೆ. 09: ಪ್ರೈವೇಟ್ ಜೆಟ್ ವಿಮಾನ ಒಂಜಿ ಉದುರ್ದಿತ್ತ್ದ್ ಇರ್ವೆರ್ ಪೈಲಟ್ನಕುಲು ಒಂತೆ ಗಾತಿದ ಗಡಿಕುಲಾದ್ ಬಚಾವಾತಿನ ನಡಕೆ ಬಿಜಾಪುರ ಬಬಲೇಶ್ವರ ತಾಲೂಕ್ರ ಮಂಗಳೂರು ಗ್ರಾಮೊಡು ಕೋಡೆ ಫೆ.8 ದಾನಿ ನಡತ್ದ್ಂಡ್.
ಈ ವಿಮಾನೊಡು ಪೈಲಟ್ ಗೌತಮ್ ಬೊಕ್ಕ ಕಂಪೆನಿ ಸಿಬ್ಬಂದಿ ಗುಲ್ಬರ್ಗಾ ರ್ದ್ ಬೆಳಗಾಂವ್ಗ್ ಪೋವೊದುಪ್ಪುನಗ ಬಿಜಾಪುರ ಜಿಲ್ಲೆದ ಬಬಲೇಶ್ವರ ತಾಲೂಕ್ದ ಮಂಗಳೂರು ಗ್ರಾಮೊಡು ಬೂರ್ದ್ಂಡ್. ನಡಕೆಡ್ ಇರ್ವೆರೆಗ್ಲಾ ಗಾತಿದ ಗಡಿಕುಲಾದಿತ್ತ್ದ್ ಬಿಎಲ್ಡಿಇ ಆಸ್ಪತ್ರೆಗ್ ಆಂಬುಲೆನ್ಸ್ಡ್ ಲೆತೊಂದು ಪೋತೆರ್.
ರೆಡ್ ಬರ್ಡ್ ಏವಿಯೇಷನ್ ಸಂಸ್ಥೆಗ್ ಸೇರ್ದಿನ ಸೆಸ್ನಾ 172 ಟ್ಯಾಂಗೋ ಚಾರ್ಲಿ ಪುದರ್ದ ಪ್ರವೇಟ್ ಜೆಟ್ ಉಂದಾದಿತ್ತ್ದ್, ಫ್ಯೂಲ್ ಕಾಲಿ ಆತಿನೆರ್ದಾವರ ವಿಮಾನ ಬೂರ್ದ್ಂಡ್ ಪನ್ದ್ ಪನೊಂದುಲ್ಲೆರ್. ಜಾಗೆಗ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.