Last updated on February 10th, 2026 at 01:36 pm
ಒಡಿಪು, ಫೆ. 10: ಕುಡ್ಲರ್ದ್ ಶಿರ್ವ ಗ್ ಪೋವೊಂದಿತ್ತಿನ ಕಾರ್ ಒಂಜಿ ಸೋಮಾರ ನಡೀರ್ ಮುಲ್ಪದ ನ್ಯಾರ್ಮ್ ಶ್ರೀ ಜಾರಂದಾಯ ದೈವಸ್ಥಾನೊದ ಕೈತಲ್ ನಡುತಾದಿಡ್ ತನ್ನಾತೆಗೇ ಸೂ ಪತೊಂದು ಪೊತ್ತುದ್ ಪೋತಿನ ನಡಕೆ ನಡತ್ದ್ಂಡ್.
ಡ್ರೈವರ್ನ ಮಂಡೆಕರ್ಚಿರ್ದಾವರ ಕಾರ್ಡ್ ಇತ್ತಿನ ಐವೆರ್ ಪ್ರಯಾಣಿಕೆರ್ ಮಲ್ಲ ಉಂಬರೊರ್ದು ಬಚಾವಾತೆರ್.
ಸೋಮಾರ ರಾತ್ರೆ, ಕಾರ್ ಕುಡ್ಲರ್ದ್ ಶಿರ್ವ ದಂಚಿ ಪೋವೊಂದುಪ್ಪುನಗ ನ್ಯಾರ್ಮ್ ದಡೆ ಎತ್ತ್ನಗ, ಎಂಜಿನ್ ದಲ್ಪರ್ದ್ ಪುಗೆ ಬರ್ಯೆರೆ ಪತ್ತ್ದ್ಂಡ್. ಉಂದೆನ್ ತೂದು ಡ್ರೈವರ್ ಅಪಗನೇ ಗಾಡಿನ್ ಸಾದಿ ಬರಿಟ್ ಉಂತಾದ್, ತನ್ನೊಟ್ಟುಗು ಇತ್ತಿನ ನಾಲ್ವೆರ್ ಇಲ್ಲದಕುಲೆನ್ ಗಾಡಿರ್ದ್ ಜಪ್ಪೆರೆ ಪನ್ತೆರ್.
ಮಾತೆರ್ಲಾ ಜತ್ತ್ದ್ ಒಂತೆ ಪೊರ್ತಾನಗನೇ, ಇಡೀ ಕಾರ್ ಸೂ ಪತೊಂದು ಅಲಕ್ಕ ಪೊತ್ತುದ್ ಪೋತುಂಡು. ಸೂ ತೂದು ಮಟ್ಟದಕುಲು ಬಲ್ತೊಂದು ಬತ್ತ್ದ್ ಕೈತಲ್ದ ಇಲ್ಲ್ಲೆರ್ದ್ ಪೈಪ್ಡ್ ನೀರ್ ಪತ್ತ್ದ್ ಸೂ ತೆಕ್ಕಾಯೆರ ತೂತೆರ್. ಆಂಡ, ಸೂ ಒರಾನೆ ಇಡೀ ಕಾರ್ಗ್ ಪತೊಂದಿನೆರ್ದಾವರ ತೆಕ್ಕಾವರೆ ಆವಂದೆ ಕಾರ್ ಅಲಕ್ಕ ಪೊತ್ತುದು ಪೋತುಂಡು.