Last updated on February 12th, 2026 at 04:17 pm
ಅಮೇರಿಕಾ, ಫೆ. 12: ಸಾದಿ ಕಡತೊಂದುಪ್ಪುನಗ ಪೊಲೀಸ್ ಅಧಿಕಾರಿ ಒರಿಯನ ಕಾರ್ ಎಡ್ತಿನೆರ್ದಾವರ 23 ವರ್ಸ ಪ್ರಾಯೊದ ಭಾರತೀಯ ವಿಧ್ಯಾರ್ಥಿನಿ ತೀರ್ದಿತ್ತಲ್. ಇತ್ತೆ ಆಲೆನ ಇಲ್ಲಗ್ ಸಿಯಾಟೆಲ್ದ ಸ್ಥಳೀಯಾಡಳಿತ 29 ಮಿಲಿಯನ್ ಡಾಲರ್ (ಸುಮಾರ್ ₹ 262 ಕೋಟಿ) ಪರಿಹಾರ ಘೋಷಣೆ ಮಲ್ದ್ಂಡ್ ಪನ್ದ್ ವರದಿ ಆತ್ಂಡ್.
ಮಾದಕ ಸೊತ್ತುಗು ಸಂಬಂಧಿತಿನ ಫೋನ್ ಕಾಲ್ಡ್ ಪಾತೆರೊಂದುಪ್ಪುನಗ ಗಂಟೆಗ್ 25 ಕಿ.ಮೀ ಬೀಸಡ್ ಬರೊಡಿತ್ತಿನ ಜಾಗೆಡೆ ಗಂಟೆಗ್ 74 ಕಿ.ಮೀ ಬೀಸಡ್ ಗಾಡಿ ಬುಡೊಂದಿತ್ತಿನ ಅಧಿಕಾರಿ ಕೆವಿನ್ ಡೇವ್, ವಿದ್ಯಾರ್ಥಿನಿ ಜಾಹ್ನವಿ ಕಂದುಲಾ ಗ್ ಎಡ್ತ್ದೆ. ಗಡಿಕುಲಾದ್ ಜಾಹ್ನವಿ ತೀರ್ದಿತ್ತಲ್.
ಈ ಆರ್ಥಿಕ ಪರಿಹಾರ ಕಂದುಲಾನ ಇಲ್ಲದಕುಲೆಗ್ ಎಲ್ಯಮಟ್ಟ್ಗ್ ಶಾಂತಿ ಕೊರ್ಪುಂಡು ಪನ್ದ್ ಎನ್ನ್ದ ಪನ್ದ್ ಸಿಯಾಟೆಲ್ ದ ಸ್ಥಳೀಯಾಡಳಿತ ಪನ್ತ್ನ್ಡ್. ಈ ಬಗೆಟ್ ವಕೀಲೆದಿ ಎರಿಕಾ ಇವಾನ್ಸ್ ಬುಧವಾರ ಪಾತೆರ ಬುಡುಗಡೆ ಮಲ್ತಿತ್ತ್ದೊ, ಜಾಹ್ನವಿ ಕಂದುಲಾ ಮೆರೆನ ಜೂವೊಗು ಬಿಲೆ ಕಟ್ಟೆರೆ ಆವಂದ್. ಈ ಪರಿಹಾರ ಆರೆನ ಇಲ್ಲದಕುಲು, ಆರೆನ ದೋಸ್ತಿಲು ಬೊಕ್ಕ ನಮ್ಮ ಸಮುದಾಯೊಗು ಬಾರೀ ಮುಖ್ಯ ಆದುಂಡು ಪನ್ದ್ ತೆರಿಪಾದೆರ್.