Last updated on February 13th, 2026 at 09:56 am
ಬಂಟ್ವಾಳ, ಫೆ. 13: ಕುಕ್ಕಿಪಾಡಿ ಗ್ರಾಮೊದ ಕೆಂತಲೆ ಪನ್ಪಿನಲ್ಪ ಗುಡ್ಡೆ ಒಂಜೆಕ್ ಗುರುವಾರ ಆಕಸ್ಮಿಕ ಸೂ ಬೂರ್ದಿತ್ತ್ದ್, ಮರ-ದೈಕುಲು ಪೊತ್ತುದು ಪೋತ.
ನಿತ್ಯಾನಂದ ಪೂಜಾರಿ ಪನ್ಪಿನಾರೆಗ್ ಸೇರ್ದಿನ ಜಾಗೆಡ್ ಸೂ ಬೂರ್ದಿತ್ತ್ದ್, ಅಲ್ಪ ಒರ್ಮೆಲಾ ಪಗೆ ಕಬಿದಿತ್ತ್ಂಡ್.
ಸೂ ತೋಜಿನೇ ನಿತ್ಯಾನಂದೆರ್ ಬಂಟ್ವಾಳ, ಬೆದ್ರ ಬೊಕ್ಕ ಬೋಲ್ತೇರ್ ಅಗ್ನಿಶಾಮಕ ಸ್ಟೇಷನ್ಲೆಗ್ ಒಲವು ಕೊರ್ತೆರ್. ಆಂಡ, ಅಗ್ನಿಶಾಮಕ ಸಿಬ್ಬಂದಿಲು ಅಡೆಗ್ ಎತ್ತ್ನಗ ಕಡೆಸ್ಸಿನೆರ್ದಾವರ, ಮುಟ್ಟದಕುಲೇ ನೀರ್ ಚೇತ್ದ್ ಸೂ ತೆಕ್ಕಾದೆರ್.
ಸುಮಾರ್ ಒಂಜರೆ ಎಕರೆ ಜಾಗೆಗ್ ಸೂ ಪತೊಂದಿತ್ತ್ದ್, ಕಾಡ ಮರ ದೈಕುಲು ಅಲಕ್ಕ ಪೊತ್ತುದು ಪೋತ. ಆತೇ ಅತ್ತಂದೆ, ಸೂ ಕ್ ಪಾಕ ಕಂಗ್ ದೈಕುಲುಲಾ ಪೊತ್ತುದು ಪೋತ ಪನ್ದ್ ನಿತ್ಯಾನಂದ ಪೂಜಾರಿ ತೆರಿಪಾದೆರ್.