ಕಿನ್ನಿಗೋಳಿ: ಗುಂಡಿ ಗುರುಂಪು ಬೂರ್ದಿನ ಸಾದಿನ್ ತನ್ಕುಲೆ ಕರ್ಚಿಡೆ ರಿಪೇರಿ ಮಲ್ತೆರ್ ರಿಕ್ಷಾ ಡ್ರೈವರ್ ‘ಪೋದು ಬರ್ಪೆ’ ಗೋಪಾಲಣ್ಣೆ ಬೊಕ್ಕ ಸವಾಸ್ ಗುತ್ತಕಾಡ್

Last updated on February 13th, 2026 at 11:47 am

ಕಿನ್ನಿಗೋಳಿ, ಫೆ. 13: ಕಿನ್ನಿಗೋಳಿ ಪೇಂಟೆರ್ದ್ ಗುತ್ತಕಾಡ್‌ದಂಚಿ ಪೋಪುನ ಸಾದಿಡ್ ಅಲ್ಪಲ್ಪ ಗುಂಡಿ ಗುರುಂಪು ಬೂರ್ದಿತ್ತ್‌ದ್ ಗಾಡಿಲೆಡ್ ಪೋಪುನಕ್ಲೆಗ್ ಬಾರೀ ಬಂಙ ಆವೊಂದಿತ್ತ್ಂಡ್. ಅವುಲಾ ಈ ಸಾದಿಯೆ ಕುದ್ಮಾಳಚ್ಚಿಲ್ ಪನ್ಪಿನಲ್ಪ ರೋಡ್ ಅಲಕ್ಕ್ ತೆಟ್ಟ್‌ದ್ ಪೋದಿತ್ತ್‌ದ್, ಪೋಯೆರ ಬರ್ಯೆರ ಆಪೆದಿಜಿ.

ಈ ಸಾದಿಯೆ ದಿನಲ ಬಾಡಾಯಿ ಪೋಪುನ ರಿಕ್ಷಾ ಡ್ರೈವರ್ ‘ಪೋದು ಬರ್ಪೆ’ ಗೋಪಾಲ ಕುಲಾಲ್ ಬೊಕ್ಕ ಸವಾಸ್ ಗುತ್ತಕಾಡ್ ಈ ಅವ್ಯವಸ್ಥೆನ್ ತೂದು ಅಕುಲೇ ರೋಡ್ ರಿಪೇರಿಗ್ ಜತ್ತ್‌ದೆರ್. ಗೋಪಾಲಣ್ಣನ ರಿಕ್ಷಾಡೇ ಡಾಮಾರ್ ಮಿಕ್ಸ್‌ಡ್ ಜಲ್ಲಿ ಕೊನೊದು, ಸಾದಿಯೆ ಪೋಪಿನಕ್ಲೆ ಸಕಾಯೊಡು ಸಾದಿದ ಗುಂಡಿಲೆನ್ ನಿಗಿತ್‌ದೆರ್. ಸುಗಮ ಸಂಚಾರೊಗು ವ್ಯವಸ್ಥೆ ಮಲ್ತ್ ಕೊರ್ತೆರ್. ಸಾರ್ವಜನಿಕ ವಲಯೊಡು ಮೊಕ್ಲೆನ ಬೇಲೆನ್ ಪುಗರೊಂದುಲ್ಲೆರ್.