Last updated on February 17th, 2026 at 03:12 pm
ಒಡಿಪು, ಫೆ. 17: ಜವನೆ ಒರಿ ಅಸ್ಸಾಂದ ಗುವಾಹಟಿಗ್ ದೋಸ್ತಿಲೆನ ಒಟ್ಟುಗು ತಿರ್ಗೆರೆ ಪೋದಿತ್ತಿನ ಪೊರ್ತುಡು ಉಸಾರ್ ತತ್ತ್ದ್ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ತೀರ್ದಿನಾರೆನ್ ಒಡಿಪು ಜಿಲ್ಲೆದ ಕಾಪು ತಾಲ್ಲೂಕ್ದ ಕಟಪಾಡಿ ಕೈತಲ್ದ ಸರ್ಕಾರಿಗುಡ್ಡೆ ನಿವಾಸಿ ಅಶೋಕ್ ಆಚಾರ್ಯ (33) ಪನ್ದ್ ಗುರ್ತ ಪತ್ತ್ದೆರ್ .
ಮೂಲೊಲೆನ ಪ್ರಕಾರ, ಅಶೋಕ್ ಅಸ್ಸಾಂದ ಗುವಾಹಟಿಗ್ ಪ್ರವಾಸೊಗು ಪೋದಿತ್ತೆರ್. ಈ ಪೊರ್ತುಡು, ಬೊಂಡುಡು ನೆತ್ತೆರ್ ಗಟ್ಟಿ ಆದ್ ಆರೆಗ್ ಆರೋಗ್ಯ ಸಮಸ್ಯೆಲು ಉಂಡಾದ್, ಆರ್ ಉಸಾರ್ ತತ್ತ್ದೆರ್ ಪನ್ದ್ ಪನೊಂದುಲ್ಲೆರ್.
ಆರೆನ್ ಅಪಗನೇ ಗುವಾಹಟಿದ ಸ್ಥಳೀಯ ಆಸ್ಪತ್ರೆಗ್ ದಾಕಲ್ತ್ದೆರ್ಗೆ. ಆಂಡ, ಆರೆನ್ ಬದ್ಕಾವೊನ್ರ ಆತಿಜಿ ಪನ್ದ್ ವರದಿ ಆತ್ಂಡ್.
ಅತ್ತಂದಿ ಪ್ರಾಯೊಡು ಜವನೆ ತೀರ್ದಿನ ಇಲ್ಲದಕ್ಲೆಗ್ ಬೊಕ್ಕ ಸಂಬಂಧಿಕೆರೆಗ್ ಬಾರೀ ಬೆಸರ್ ಉಂಡು ಮಲ್ದ್ಂಡ್. ಎಚ್ಚಿಗೆ ಒಲವುಗು ಕಾತೊಂದುಲ್ಲ.