Last updated on October 22nd, 2022 at 04:52 pm
ಎನ್‌ಐ‌ಟಿ‌ಕೆದಲ್ಪ ಉಪ್ಪುನ ಟೋಲ್‌ಗೇಟ್‌ನ್ ದೆಪ್ಪೊಡು ಪಂದ್ ಟೋಲ್ ವಿರೋಧಿ ಪೊರ್ಂಬಾಟ ಸಮಿತಿ ಇನಿ (ಅಕ್ಟೋಬರ್ 18) ಪ್ರತಿಭಟನೆ ಲೆತ್ತಿತ್ತೆರ್. ಈ ಲೆಪ್ಪುಗು ಕೆಬಿಯಾಯಿನ ಎಚ್ಚಿನ ತುಳುವೆರ್ ನೆಟ್ಟ್ ಪಾಲ್‌ಪಡೆದೆರ್. ಪೋಲೀಸ್‌ದಕುಲು ಸುಮಾರ್ 500 ಜನೊನು ಮುಲ್ಪ ಇನಿ ಅರೆಸ್ಟ್ ಮಲ್ದೆರ್.
ಸಮಿತಿದ ಮುನೀರ್ ಕಾಟಿಪಳ್ಳ, ಪ್ರತಿಭಾ ಕುಳಾಯಿ, ವಿನಯ್ ಕುಮಾರ್ ಸೊರಕೆ, ಮಿಥುನ್ ರೈ ಸೇರ್ದ್ ಪ್ರತಿಭಟನೆಗ್ ಸೇರ್ದಿತ್ತಿ ಸುಮಾರ್ 500 ಜನೊನು ಅರೆಸ್ಟ್ ಮಲ್ದೆರ್.
ಮೊಕುಲತ್ತಂದೆ ಶಕುಂತಲಾ ಶೆಟ್ಟಿ, ಐವನ್ ಡಿಸೋಜಾ, ಜೆ. ಆರ್. ಲೋಬೋ, ಬಿ.ಕೆ. ಇಮ್ತಿಯಾಜ್, ಮೊಯ್ದಿನ್ ಬಾವ ಮೊಕುಲು ಮಾತ ಈ ಪೊರ್ಮ್ಬುಡ್ ಪಾಲ್‌ಪಡೆದೆರ್.
ಎನ್‌ಐ‌ಟಿ‌ಕೆ ಟೋಲ್‌ಗೇಟ್ದಲ್ಪ ಕೋಡೆ ಬಯ್ಯರ್ದೇ 10 ಕೆಎಸ್‌ಆರ್‌ಪಿ ಪಡೆ, 5 ಸಿಆರ್‌ಪಿಎಫ್ ಪಡೆ ಸೇರ್ದ್ ಸುಮಾರ 450 ಜನ ಪೋಲೀಸ್ ಕಾನ್‌ಸ್ಟೇಬಲ್ ಅಂಚೆನೇ 40 ಅಧಿಕಾರಿಲೆನ್ ಉಂತಾದೆರ್.