Last updated on February 23rd, 2026 at 07:51 pm
ಕುಡ್ಲ, 23: ತುಳುನಾಡ ಸಾರಿಗೆಡ್ ಪೊಸ ಮೈಲಿಗಲ್ಲ್ ಪನ್ಪಿಲೆಕ ಕುಡ್ಲದ ಸುರುತ ಪ್ರೈವೇಟ್ ಎಲೆಕ್ಟ್ರಿಕಲ್ ಬಸ್ ನ್ ಗಣೇಶ್ ಪ್ರಸಾದ್ ಮೇರ್ ಮಾರ್ಗ ನಂಬ್ರ 27 ಟ್ ಬಲಿಪಾಯೆರ ರೆಡಿ ಆತೆರ್.
ಖಾಸಗಿ ಸಾರಿಗೆ ವಲಯೊಡ್ಲಾ ಇತ್ತೆ ಎಲೆಕ್ಟ್ರಿಕ್ ಬಸ್ಲೆಗ್ ಒತ್ತು ಕೊರೊಂದಿತ್ತ್ದ್, ದುಂಬು ಕೇಂದ್ರ ಸರ್ಕಾರ ಪ್ರಧಾನ ಮಂತ್ರಿ ಇ-ಬಸ್ ಸೇವಾ ಯೋಜನೆದ ಅಡಿಟ್ ಕರ್ನಾಟಕ ರಾಜ್ಯೊಗು ಒಟ್ಟು 750 ಪೊಸ ಎಲೆಕ್ಟ್ರಿಕ್ ಬಸ್ಲೆನ್ ಮಂಜೂರ್ ಮಲ್ತಿತ್ತ್ಂಡ್, ಅವೆಟ್ 100 ಬಸ್ ಕುಡ್ಲಗ್ ಪನ್ದ್ ಪಾತೆರ ಆದಿತ್ತ್ಂಡ್. ಉಂದು ಪ್ರೈವೇಟ್ ಸಾರಿಗೆ ವ್ಯವಸ್ಥೆಗ್ ಮಲ್ಲ ಸವಾಲ್ ಪಾಡ್ದ್ಂಡ್. ಅಂಚಾದ್, ಪ್ರೈವೇಟ್ ಸಾರಿಗೆಡ್ಲಾ ಎಲೆಕ್ಟ್ರಿಕ್ ಬಸ್ಲೆನ್ ಕನಪುನ ಬಗೆಟ್ ಚರ್ಚೆ ನಡತಿತ್ತ್ಂಡ್. ಸರ್ಕಾರಿ ಎಲೆಕ್ಟ್ರಿಕ್ ಬಸ್ಲು ಕುಡ್ಲ ಪೇಂಟೆಡ್ ಬಲಿಪೆರ ದುಂಬೇ, ಪೇಂಟೆಡ್ ಪ್ರೈವೇಟ್ ಎಲೆಕ್ಟ್ರಿಕ್ ಬಸ್ ಸಂಚಾರ ಸುರು ಆವರೆ ಉಂಡು.
ಈ EV ಬಸ್ 9 ಮೀಟರ್ ಉದ್ದ ಇತ್ತ್ದ್, 32–41 ಸೀಟ್ ಉಂಡು. ಉಂದು 200 ಕಿ.ಮೀ ಮುಟ್ಟ ಬಲಿಪುನ ಬ್ಯಾಟರಿ ಸಾಮರ್ತಿಗೆ ಉಂಡು ಬೊಕ್ಕ 2 ಗಂಟೆಡ್ ರೀಚಾರ್ಜ್ ಮಲ್ಪೊಲಿ. ಉಂದು ಎಸಿ ಬಸ್ ಆದಿತ್ತ್ದ್, 5 ವರ್ಸೊದ ಬ್ಯಾಟರಿ ಗ್ಯಾರೆಂಟಿ ಉಂಡು.