Last updated on March 4th, 2026 at 10:39 am
ಪುತ್ತೂರ್, ಮಾ. 04: ಬೈಕ್ ಕರೆಂಟ್ ಕುಂದೊಗು ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಕುಂಬ್ರದ ಭುವನ್ ಗೌಡ ( 34 ವ) ಪನ್ಪಿನಾರ್ ತೀರ್ದಿನ ನಡಕೆ ಮಾ.3 ತಾನಿ ತಿಂಗಳಾಡಿ ಕೈತಲ್ರ ತ್ಯಾಗರಾಜ ನಗರಡ್ ನಡತ್ದ್ಂಡ್.
ಕುಂಬ್ರ ಶಾಲೆದ ಕೈತಲ್ದ ಧರ್ಮಪಾಲ ಬೊಕ್ಕ ಮೋಹಿನಿ ದಂಪತಿಲೆನ ಮಗೆ ಭುವನ್ ಗೌಡ ಮೇರ್ ನಿಂತಿಕಲ್ಲ್ದ ಕುಬೇರ ಬಾರ್ ಡ್ ಕ್ಯಾಷಿಯರ್ ಆದ್ ಬೇಲೆ ಮಲ್ತೊಂದಿತ್ತ್ದ್ ಮಾ.3 ತಾನಿ ಬೇಲೆ ಮುಗಿತ್ದ್ ಇಲ್ಲಗ್ ಬೈಕ್ಡ್ ಪಿರಬರೊಂದುಪ್ಪುನಗ ತ್ಯಾಗರಾಜನಗರಡ್ ಮಜ್ಞಾರಡ್ಕ ದಂಚಿ ತಿರ್ಗುನಲ್ಪ ಬೈಕ್ ಸ್ಕಿಡ್ ಆದ್ ಸಾದಿ ಬರಿತ ಕರೆಂಟ್ ಕುಂದೊಗು ಎಡ್ತ್ದ್ಂಡ್.
ಎಡ್ತಿನ ಬರಸ್ಗ್ ಭುವನ್ ಸಾದಿಗ್ ರಟ್ಟ್ದೆರ್. ಗಾತಿದ ಗಡಿಕುಲಾತಿನ ಆರೆನ್ ಅಪಗನೇ ಅಲ್ಪದಕುಲು ಮೆಡ್ ಲ್ಯಾಂಡ್ ಆಸ್ಪತ್ರೆಗ್ ಲೆತೊಂದು ಪೋದು ಅಲ್ಪರ್ದ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಅಡೆ ಎತ್ತುನ ಪೊರ್ತುಗಾನಗ ಆರ್ ತೀರ್ದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.