Last updated on March 4th, 2026 at 04:33 pm
ಮಡಿಕೇರಿ, ಮಾ. 04: ಆಕಸ್ಮಿಕವಾದ್ ಇಲ್ಲಡ್ ಸೂ ಬೂರ್ದ್ ಮಾಜಿ CRPF ಯೋಧೆ ಒರಿ ಜೂವೊಪ್ಪ ಪೊತ್ತ್ದ್ ಪೋಯಿನ ನಡಕೆ ಕೊಡಗು ಜಿಲ್ಲೆಡ್ ನಡತ್ದ್ಂಡ್. ಜಿಲ್ಲೆದ ಸೋಮವಾರಪೇಟೆ ತಾಲ್ಲೂಕ್ದ ತೋಳುರುಶೆಟ್ಟಳ್ಳಿ ಡ್ ಈ ನಡಕೆ ನಡತ್ದ್ಂಡ್.
ತೀರ್ದಿನಾರೆನ್ ಹೆಚ್.ಎ. ವೆಂಕಟೇಶ್ (64) ಪನ್ದ್ ಗುರ್ತ ಪತ್ತ್ದೆರ್. ಆರ್ ಮಾಜಿ ಸಿಆರ್ಪಿಎಫ್ ಯೋಧೆ ಆದಿತ್ತ್ದ್, ರಿಟೈರ್ ಆಯಿ ಬೊಕ್ಕ ತನ್ನ ಊರ್ಗೇ ಬತ್ತ್ದ್ ಇತ್ತೆರ್.
ತೋಟದ ಮೆಷಿನ್ಲೆಗ್ ಪನ್ದ್ ಇಲ್ಲಗ್ ಕನತ್ ದೀದಿತ್ತಿನ ಪೆಟ್ರೋಲ್ಗ್ ಒರರ್ದ್ ಒರಾನೆ ಸೂ ಪತೊಂದು ಈ ಅವಘಡ ಆತ್ಂಡ್ ಪನ್ದ್ ಪನೊಂದುಲ್ಲೆರ್. ಸೂ ಒರ್ಮೆಲಾ ಪಗರಿನೇ ಪಿದಯಿ ಬರ್ಯೆರಾವಂದೆ ಆರ್ ಉಲಯಿಡೇ ತಿಕ್ಕ್ದ್ ಬೂರ್ದುಪ್ಪೊಡು ಪನ್ದ್ ಅಂದಾಜಿ ಮಲ್ತ್ದೆರ್. ಇಲ್ಲರ್ದ್ ಪುಗೆ ಬರ್ಪುನ ತೂದು ನಿರೆಕರೆತಕುಲು ಬತ್ತ್ದ್ ಸೂ ತೆಕ್ಕಾಯೆರ ತೂತೆರ್. ಆಂಡಲಾ, ಸೂ ಬಾರೀ ಜೋರುಡು ಪೊತ್ತೊಂದಿತ್ತಿನೆರ್ದಾವರ ಅಕಲೆರ್ದ್ ತೆಕ್ಕಾಯೆರೆ ಆತಿಜಿ. ಒಲವು ತಿಕ್ಕ್ದ್ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಜಾಗೆಗ್ ಬತ್ತ್ದ್ ಸೂ ತೆಕ್ಕಾದ್ ಆನಗ ವೆಂಕಟೇಶ್ ಮೇರ್ ಜೂವೊಪ್ಪ ಪೊತ್ತ್ದ್ ಪೋತಿನ ದೃಢ ಆತ್ಂಡ್.
ಸೋಮವಾರಪೇಟೆ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.