Last updated on March 10th, 2026 at 02:23 pm
ಕಾಪು , ಮಾ. 10 : ಒವ್ವಾ ಎಲ್ಯ ನೆವನೊಗು ಪ್ರಾಯೊದಾರೆನ್ ಒರ್ತಿನ್ ಕೆರ್ತಿನ ನಡಕೆ ಮಣಿಪುರ ಗ್ರಾಮೊದ ಅರಬಿ ಕೆನರಾಡಿ ಪನ್ಪಿನಲ್ಪ ಮಾ.9 ದಾನಿ ರಾತ್ರೆ ನಡತಿತ್ತ್ದ್, ಇರ್ವೆರ್ ಮೆಗ್ಯೆ-ಪಲಯನ್ ಕೈದ್ ಮಲ್ತ್ದೆರ್.
ತೀರ್ದಿನಾರೆನ್ ಕೆನರಾಡಿದ ವನಜಾಪೂಜಾರ್ತಿ (೬೦) ಪನ್ದ್ ಗುರ್ತ ಪತ್ತ್ದೆರ್. ಕೈದಾತಿನಕಲೆನ್ ಪ್ರವೀಣ್ ಮೆಂಡೊನ್ಸಾ ಬೊಕ್ಕ ವಲೇರಿಯನ್ ಮೆಂಡಾನ್ಸಾ ಪನ್ದ್ ಗುರ್ತ ಪತ್ತ್ದೆರ್.
ಇನಿ, ಮಾರ್ಚ್ 10 ತ ಅಂಗಾರೆ ಕಾಂಡೆ 7 ಗಂಟೆಗ್ ನಡಕೆ ನಡತಿನ ತೆರಿದ್ ಬೈದ್ಂಡ್. ಒವ್ವಾ ಎಲ್ಯ ನೆವನೊಗು ಲಡಯಿ ಮಲ್ತೊಂದು , ವಲೇರಿಯನ್ ಬೊಕ್ಕ ಪ್ರವೀಣ್, ವನಜಾ ಪೂಜಾರ್ತಿಗ್ ಪರ್ತೆದ ಕೈದ್ಡ್ ಆಕ್ದ್ ಕೆರ್ತೆರ್ ಪನ್ದ್ ಆರೋಪ ಮಲ್ತ್ದೆರ್.
ಕಾಪು ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಕೆಎಂಸಿದ ವಿಧಿವಿಜ್ಞಾನ ಕೂಟ, ಸೋಕೊ ಕೂಟ, ಶ್ವಾನ ದಳ ಬೊಕ್ಕ ಬಿರೆಲಚ್ಚಿ ತಜ್ಞೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಜಡ್ತೆ ಮಲ್ತೊಂದುಲ್ಲೆರ್.
