Last updated on March 12th, 2026 at 07:04 pm
ಬೋಲ್ತೇರ್, ಮಾ. 12: ಮಾರ್ಚ್ 2 ತಾನಿ ನೇತ್ರಾವತಿ ಸಂಕದ ಕೈತಲ್ ಬೈಕ್ ಬೊಕ್ಕ ಪಿಕಪ್ ಗಾಡಿದ ನಡುಟು ನಡತಿನ ಭೀಕರ ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ಬೈಕ್ ಬುಡೊಂದಿತ್ತಿನ ಜವನೆ ಮರ್ದ್ ಪಲಿಪಂದೆ ತೀರ್ದೆರ್.
ತೀರ್ದಿನಾರೆನ್ ಕನ್ಯಾಡಿ ಗ್ರಾಮೊದ ಕೊರಗಪ್ಪ ಪೂಜಾರ್ಲೆನ ಮಗೆ ನವೀನ್ ಪೂಜಾರಿ ಪನ್ದ್ ಗುರ್ತ ಪತ್ತ್ದೆರ್. ಮಾರ್ಚ್ 2ತಾನಿ ಕುಡುಮರ್ದ್ ಉಜಿರೆ ದಂಚಿ ಪೋವೊಂದಿತ್ತಿನ ಪಿಕಪ್ ಗಾಡಿ ಬೊಕ್ಕ ಉಜಿರೆರ್ದ್ ಕುಡುಮದಂಚಿ ಬರೊಂದಿತ್ತಿನ ಬೈಕ್ದ ನಡುಟು ನೇತ್ರಾವತಿ ಸಂಕದಲ್ಪ ಭೀಕರ ಎಡ್ತೆ ನಡತಿತ್ತ್ಂಡ್. ಎಡ್ತೆಡ್ ನವೀನ್ ಪೂಜಾರಿ ಮೆರೆಗ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಅಪಗನೇ ಕುಡ್ಲದ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತೊಂದಿತ್ತೆರ್. ಆಂಡ ಮರ್ದ್ ಪಲಿಪಂದೆ ಆರ್ ಇನಿ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.