ಕುಡ್ಲ ಜಿಲ್ಲೆಡ್ ಕೈಕಂಜಿಲೆನ ಸಾಗಾಟೊಗು ನಿಷೇಧ

Last updated on October 21st, 2022 at 10:26 am

ಕುಡ್ಲ: ಕ್ಯಾಪ್ರಿಪಾಕ್ಸ್ ಪನ್ಪಿ ವೈರಸ್‌ರ್ದಾವರ ಎರ್ಲು ಕೈಕಂಜಿಲೆಗ್ ಬರ್ಪಿನ ಚರ್ಮರೋಗ ಒಂಜಿ ಪೆತ್ತರ್ದ್ ಬೊಕ್ಕೊಂಜೆಕ್ ಪಗರುಂಡು. ಇತ್ತೆಗ್  ಒವ್ವೇ ರೀತಿದ ಚಿಕಿತ್ಸೆ ಇಜ್ಜಂದಿನೆರ್ದಾವರ ಕೊರೊನಾ ದ ಪೊರ್ತುಡು ನರಮಾನಿ ಬಂಙ ಬತ್ತಿಲೆಕ  ಕೈಕಂಜಿಲು ಬಂಙ ಬರೊಂದುಲ್ಲ. ಒಂಜಿ ಮಟ್ಟ್‌ದ ವ್ಯಾಕ್ಸೀನ್ ಇತ್ತ್ಂಡಲಾ ನನಲಾತ್ ಸಂಶೋಧನೆಲು ಆವರೆಗುಲ್ಲ.

ಈ ರೋಗೊರ್ದಾವರ ಕೈಕಂಜಿ ಸಾಂಕುನಕಲೆಗ್ ಬಾರಿ ನಷ್ಟ ಆವೊಂದುಂಡು. ನೆನ್ನ್ ಮಾತ ದಿಟ್ಟಿಡ್ ದೀವೊಂದು ಕುಡ್ಲ ಜಿಲ್ಲೆಡ್ ಅಕ್ಟೋಬರ್ 20ರ್ದ್ ನವೆಂಬರ್ 30 ಮುಟ್ಟ ಜಿಲ್ಲೆದ ಉಲಯಿ ಅಂಚೆನೇ ಪಿದಯಿ ಜಿಲ್ಲೆರ್ದ್ ಅತ್ತ್ಂಡ ಪಿದಯಿ ರಾಜ್ಯೊರ್ದು ಕೈಕಂಜಿಲೆನ್ ಕನಪುನ ಅತ್ತ್ಂಡ ಕೊಂಡೊಪುನೆಕ್ ಸಂಪೂರ್ಣ ನಿಷೇಧ ಪಾಡ್ದ್ ಜಿಲ್ಲಾಧಿಕಾರಿ ಕೆ.ವಿ. ರಾಜೇಂದ್ರ ಆದೇಶ ಕೊರ್ತೆರ್.