Last updated on March 18th, 2026 at 02:55 pm
ಒಡಿಪು, ಮಾ. 18: ಕಾರ್ ಬೊಕ್ಕ ಎಕ್ಸ್ಪ್ರೆಸ್ ಬಸ್ ಎದುರೆದುರು ಎಡ್ತೊಂಡಿನೆರ್ದಾವರ ಒಂತೆ ಜನಕ್ ಗಾತಿದ ಗಡಿಕುಲಾತಿನ ನಡಕೆ ಇನಿ, ಬುಧವಾರ ಸಂತೆಕಟ್ಟೆ ಡ್ ನಡತ್ದ್ಂಡ್.
ಅಂಡರ್ಪಾಸ್ದ ಬೇಲೆ ಆವೊಂದುಪ್ಪುನೆರ್ದಾವರ ನೆಟೆ ಸಾದಿಡ್ ಒಂತೆ ಪಗತೆಲೆನ್ ಮಲ್ತಿತ್ತೆರ್. ಕುಂದಾಪುರರ್ದ್ ಒಡಿಪುದಂಚಿ ಪೋಪುನ ಗಾಡಿಲೆನ್ ಸರ್ವಿಸ್ ರೋಡ್ಗ್ ತಿರ್ಗಾದಿತ್ತ್ದ್, ಒಡಿಪುರ್ದ್ ಕುಂದಾಪುರ ದಂಚಿ ಪೋಪುನ ಗಾಡಿಲೆನ್ ಕಾಂಕ್ರೀಟ್ ಮಲ್ದಿನ ಪೆರ್ಸಾದಿಡೆ ಬುಡೊಂದಿತ್ತೆರ್.
ಕುಂದಾಪುರದಂಚಿರ್ದ್ ಪೆರ್ಸಾದಿದ ರಾಂಗ್ ಸೈಡ್ಡೆ ಬರೊಂದಿತ್ತಿನ ಬಲೆನೊ ಕಾರ್, ಟೊಯೋಟಾ ಎಟಿಯೋಸ್ ಕಾರ್ನ್ ಓವರ್ಟೇಕ್ ಮಲ್ಪರೆ ತೂತುಂಡು ಪನ್ದ್ ತೆರಿದ್ ಬೈದ್ಂಡ್, ಆ ಕಾರ್ಲಾ ರಾಂಗ್ ಸೈಡ್ಡೆ ಪೋವೊಂದಿತ್ತ್ಂಡ್ ಪನ್ದ್ ಪನೊಂದುಲ್ಲೆರ್. ಈ ಪೊರ್ತುಡು, ಬಲೆನೊ ಒಡಿಪುರ್ದ್ ಕುಂದಾಪುರಗ್ ಪೋವೊಂದಿತ್ತಿನ ಎಕ್ಸ್ಪ್ರೆಸ್ ಬಸ್ಗ್ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್, ಬಲೆನೊ ಕಾರ್ದ ಎದುರು ಮೆಯಿ ಅಲಕ್ಕ ಞಕ್ಕೆ ಆತ್ಂಡ್. ಕಾರ್ಡ್ ಇತ್ತಿನಕ್ಲೆಗ್ ಗಾತಿದ ಗಡಿಕುಲಾದಿತ್ತ್ದ್, ಅಕ್ಲು ಬಾರೀ ಸೀರಿಯಸ್ಡ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್
ಎಡ್ತೆಡ್ ಬಸ್ಸ್ಡ್ ಇತ್ತಿನಕ್ಲೆಗ್ ಕಿಞ್ಞ ಕಿಞ್ಞ ಗಡಿಕುಲಾತ. ಕೈತಲ್ದಕುಲು ಬೊಕ್ಕ ಸಾರ್ವಜನಿಕೆರ್ ಜಾಗೆಗ್ ಬತ್ತ್ದ್ ರಕ್ಷಣಾ ಕಾರ್ಯೊಗು ಸಕಾಯ ಮಲ್ತೆರ್, ಬೊಕ್ಕ ಗಡಿಕುಲಾತಿನಕಲೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಜಾಗೆಗ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.