Last updated on March 20th, 2026 at 02:34 pm
ಕಾರ್ಲ, ಮಾ. 20: ಪಿರವುರ್ದ್ ಬತ್ತಿನ ಟಿಪ್ಪರ್ ಲಾರಿ ಬೈಕ್ಗ್ ಎಡ್ತಿನೆರ್ದಾವರ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಕಾರ್ಲದ ಪಳ್ಳಿ ಅಡಪಾಡಿದ ಕೈತಲ್ ಗುರುವಾರ ನಡತ್ದ್ಂಡ್.
ತೀರ್ದಿನಾರೆನ್ ಹಿರಿಯಡ್ಕ ನಿವಾಸಿ ಗಣೇಶ್ ನಾಯಕ್ (27) ಪನ್ದ್ ಗುರ್ತ ಪತ್ತ್ದೆರ್.
ಗಣೇಶ್ ನಾಯಕ್ ಮೇರ್ ತನ್ನ ಬೈಕ್ಡ್ ಹಂಪನಕಟ್ಟೆದಂಚಿ ಪೋವೊಂದುಪ್ಪುನಗ, ಬಾರೀ ಬೀಸಡ್ ಬತ್ತಿನ ಟಿಪ್ಪರ್ ಲಾರಿ ಬೈಕ್ಗ್ ಪಿರವುರ್ದ್ ಎಡ್ತ್ದ್ಂಡ್. ಎಡ್ತಿನ ಬರಸ್ಗ್ ಗಣೇಶ್ ಬೈಕ್ ದೊಟ್ಟುಗು ಸಾದಿಗ್ ರಟ್ಟ್ದೆರ್.
ಗಣೇಶ್ ಹೆಲ್ಮೆಟ್ ಪಾಡ್ದಿತ್ತ್ಂಡಲಾ, ಟಿಪ್ಪರ್ ಲಾರಿದ ಪಿರವುದ ಚಕ್ರ ಆರೆನ ತರೆತ ಮಿತ್ತ್ ಪೋತಿನೆರ್ದಾವರ ಗಾತಿದ ಗಡಿಯಾದ್ ಅಲ್ಪನೇ ತೀರ್ದೆರ್ ಪನ್ದ್ ವರದಿ ಆತ್ಂಡ್.
ಈ ಬಗೆಟ್ ಕಾರ್ಲ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ದ್, ಎಚ್ಚಿಗೆ ಜಡ್ತೆ ನಡತೊಂದುಂಡು.