Last updated on March 20th, 2026 at 10:20 am
ಪುತ್ತೂರ್, ಮಾ. 20: ಕಂಡನಿ-ಬೊಡೆದಿನ ಲಡಯಿಡ್ ಬೊಡೆದಿ ಕೊಲೆ ಆತಿನ ನಡಕೆ ಅರಿಯಡ್ಕ ಗ್ರಾಮೊದ ಕಟ್ಟತ್ತಾರ್ ಕೈತಲ್ದ ಗೋಳ್ತಿಲಡ್ ಮಾರ್ಚ್ 20 ದಾನಿ ಕಾಂಡೆ ನಡತ್ದ್ಂಡ್.
ಬೊಡೆದಿನ್ ಕೆರ್ನ ಕಂಡನೆ ಬೊಕ್ಕ ಆಯೆಲಾ ಕತ್ತಿಡ್ ತನ್ನ ನಾಲಿ ಕೊಯ್ಯೊಂದು ಆತ್ಮಹತ್ಯೆ ಮಲ್ತೊನರೆ ತೂದಿತ್ತ್ದ್ ಆಯನ ಸ್ಥಿತಿ ಗಂಭೀರವಾದುಂಡು. ಕಂಡನ್ಯನ್ ಮರ್ದ್ಗ್ ಕುಡ್ಲದ ಸರ್ಕಾರಿ ಆಸ್ಪತ್ರೆಗ್ ದಾಕಲ್ತ್ದೆರ್.
ಕೊಲೆ ಆತಿನ ಪೊಂಜೊವು ಮೂಲತಃ ಕುಮಾರಮಂಗಿಲದ ಸಾವಿತ್ರಿ (42) ಪನ್ದ್ ತೆರಿದ್ ಬೈದ್ಂಡ್. ಕೆರ್ತಿನ ಕಂಡನೆ ಎಮೆಟ್ಟಿದ ಪುರುಷೋತ್ತಮೆ ಯಾನೆ ಬೈರಪ್ಪೆ ಪನ್ದ್ ತೆರಿದ್ ಬೈದ್ಂಡ್.
ಜಾಗೆಗ್ ಪುತ್ತೂರ್ ಪೋಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್. ಎಚ್ಚಿಗೆ ಒಲವು ನನ ತೆರಿದ್ ಬರೊಡಾತೆ.