Last updated on March 21st, 2026 at 11:04 am
ಕುಡ್ಲ, ಮಾ. 21: ಬಜ್ಪೆ ಪೊಲೀಸ್ ಸ್ಟೇಶನ್ ಸೀಮೆದ ಬಡಗ ಎಡಪದವು ಗ್ರಾಮೊದ ಸಾಸ್ತಾವು ಪನ್ಪಿನಲ್ಪ ಫಾರ್ಚೂನರ್ ಕಾರ್ಡ್ ಅಕ್ರಮವಾದ್ ಪೆತ್ತೊಲೆನ್ ಕೊನೊವೊಂದಿತ್ತಿನ ಪ್ರಕರಣೊಗು ಸಂಬಂಧಿತ್ದ್ ಪೊಲೀಸೆರ್ ಇರ್ವೆರ್ ಆರೋಪಿಲೆನ್ ಕೈದ್ ಮಲ್ತ್ದರ್.
ಕೈದಾತಿನಕ್ಲೆನ್ ನಿಸಾರ್ ಅಲಿಯಾಸ್ ನಿಸಾರುದ್ದೀನ್ ಅಲಿಯಾಸ್ ಪಾರಿವಾಳ ನಿಸಾರ್ (28) ಬೊಕ್ಕ ಮೊಹಮ್ಮದ್ ಜಮಾಲುದ್ದೀನ್ ಅಲಿಯಾಸ್ ಜಮಾಲ್ (24) ಪನ್ದ್ ಗುರ್ತ ಪತ್ತ್ದೆರ್. ಮಾರ್ಚ್ 19 ದಾನಿ ಮೊಕಲೆನ್ ದಸ್ತಗಿರಿ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ಪ್ರಕರಣೊಡು ಪಾಲ್ಪಡೆದ್, ಇತ್ತೆ ದೆಂಗ್ ತಪ್ಪಾದುಪ್ಪುನ ಬೇತೆ ಆರೋಪಿಲೆನ್ ಪತ್ತೆರೆ ವಿಶೇಷ ಕೂಟೊನ್ಲಾ ಉಂಡು ಮಲ್ದ್ಂಡ್.
ಮಾರ್ಚ್ 18ದಾನಿ ಪುಲ್ಯ 4:45ಕ್ ಸಾಸ್ತಾವು ಪನ್ಪಿನಲ್ನ ಫಾರ್ಚೂನರ್ ಕಾರ್ಡ್ (DL 10 CE 6227) ನಾಲ್ ಪೆತ್ತೊಲೆನ್ ಕೈಕಾರ್ ಕಟ್ಟ್ದ್ ಹಿಂಸಾತ್ಮಕವಾದ್ ಕೊನೊವೊಂದುಪ್ಪುನಗ ಬಜ್ಪೆ ಪೊಲೀಸೆರ್ ದಾಳಿ ಮಲ್ತಿತ್ತೆರ್. ಈ ಪೊರ್ತುಡು ಆರೋಪಿಲು ಕಾರ್ ಬೊಕ್ಕ ಪೆತ್ತೊಲೆನ್ ಬುಡ್ದು ಪದ್ರಾಡಾದಿತ್ತೆರ್. ಜಾಗೆಡ್ 4 ಪೆತ್ತೊಲು, ಫಾರ್ಚೂನರ್ ಕಾರ್, ತಲವಾರ್ ಬೊಕ್ಕ ಕರ್ಬದ ರಾಡ್ ಸೇರ್ದ್ ಒಟ್ಟು ₹8.42 ಲಕ್ಷ ಮೌಲ್ಯೊದ ಸೊತ್ತುಲೆನ್ ಪೊಲೀಸೆರ್ ಉಲಕೈ ಮಲ್ತೊಂದೆರ್.