Last updated on March 26th, 2026 at 09:16 am
ಕುಡ್ಲ, ಮಾ. 26: ಸಾಮಾಜಿಕ ಬಲೆತ್ತಾನೊಡು ಕೋಮು ಪ್ರಚೋದನೆದ ಸೊಲ್ಲಂಜೊಲೆನ್ ಪಟ್ಟೊಂಡಿನ ಆರೋಪಡ್ ಕಂಕನಾಡಿ ನಗರ ಪೊಲೀಸೆರ್ ಒರಿ ಜವನನ್ ಕೈದ್ ಮಲ್ತ್ದೆರ್.
ಕೈದಾತಿನ ಆರೋಪಿನ್ ಕಾಪು ತಾಲೂಕ್ದ ಮೂಡುಬೆಳ್ಳೆ ಗ್ರಾಮೊದ ನಿವಾಸಿ ಪವನ್ ಆಚಾರ್ಯ (22) ಪನ್ದ್ ಗುರ್ತ ಪತ್ತ್ದೆರ್.
ಪ್ರಕರಣೊದ ಬಗೆಟ್:
2025ಟ್ ಬಜ್ಪೆಡ್ ಸುಹಾಸ್ ಶೆಟ್ಟಿ ಪನ್ಪಿನಾರೆನ್ ಕೆರಿಬೊಕ್ಕ, ಸಾಮಾಜಿಕವಾಗಿ ಬಲೆತ್ತಾನೊಡು ಕೋಮು ಸಂಘರ್ಷೊಗು ಪ್ರಚೋದನೆ ಕೊರ್ಪುನಂಚಿನ ಪೋಸ್ಟ್ಲೆನ್ ಪಟ್ಟೊಂದಿನ ಆರೋಪ ಇಂಬ್ಯನ ಮಿತ್ತ್ ಉಂಡು. ಜಡ್ತೆದ ಪೊರ್ತುಡು ‘TN-MADDY’ ಪನ್ಪಿ ಅಕೌಂಟ್ಡ್ ಈ ಕೋಮು ಪ್ರಚೋದನೆದ ಸೊಲ್ಲಂಜೊಲೆನ್ ಪವನ್ ಪಟ್ಟೊಂದಿತ್ತಿನ ತೆರಿದ್ ಬೈದ್ಂಡ್. ಅಂಚಾದ್ ಕಂಕನಾಡಿ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾದಿತ್ತ್ಂಡ್.
ಪೊಲೀಸೆರ್ ಆರೋಪಿನ್ ಬುಧವಾರ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆಯನ್ 14 ದಿನ ನ್ಯಾಯಾಂಗ ಕೈದ್ಗ್ ಒಪ್ಯಾದ್ಂಡ್. ಆರೋಪಿನ ಮಿತ್ತ್ ಕಾಪು ಪೊಲೀಸ್ ಸ್ಟೇಶನ್ಡ್ ಕುಡೊಂಜಿ ಪ್ರಕರಣೊಲಾ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು ಪನ್ದ್ ಕುಡ್ಲ ಪೊಲೀಸ್ ಕಮಿಷನರ್ ಸುಧೀರ್ ಕುಮಾರ್ ರೆಡ್ಡಿ ತೆರಿಪಾದೆರ್.