Last updated on April 1st, 2026 at 09:51 am
ಬೆದ್ರ, ಎ. 1: ಭೀಕರ ಎಡ್ತೆ ಒಂಜೆಟ್ ಅಪ್ಪೆ ಬೊಕ್ಕ ಮಗೆ ಇರ್ವೆರ್ಲಾ ತೀರ್ದಿನ ನಡಕೆ ಬೆದ್ರ ಕೈತಲ್ದ ಪೆಟ್ರೋಲ್ ಬಂಕ್ದಲ್ಪ ಕೋಡೆ, ಅಂಗಾರೆ ಬಯ್ಯಡ್ ನಡತ್ದ್ಂಡ್.
ತೀರ್ದಿನಕಲೆನ್ ಬೆದ್ರ ತಾಲೂಕ್ದ ಗಂಟಾಲ್ಕಟ್ಟೆ ನೀರಲ್ಕೆ ನಿವಾಸಿಲಾಯಿನ ಪ್ರೇಮಾ ಬೊಕ್ಕ ಆರೆನ ಮಗೆ ಸೀನೆ ಪನ್ದ್ ಗುರ್ತ ಪತ್ತ್ದೆರ್.
ಬೆದ್ರರ್ದ್ ಗಂಟಾಲ್ಕಟ್ಟೆ ದಂಚಿ ಅಪ್ಪೆ-ಮಗೆ ಇರ್ವೆರ್ಲಾ ಬೈಕ್ಡ್ ಪೋವೊಂದಿತ್ತೆರ್. ಈ ಪೊರ್ತುಡು ಸಾದಿ ಬರಿಟ್ ಉಂತಾದಿತ್ತಿನ ಟ್ರಕ್ದ ಪಿರವು ಮೆಯಿಕ್ ಮೊಕ್ಲೆನ ಬೈಕ್ ಬೀಸಡ್ ಬತ್ತ್ದ್ ಎಡ್ತ್ದ್ಂಡ್. ಎಡ್ತಿನ ಬರಸ್ಗ್ ಪ್ರೇಮಾ ಅಲ್ಪನೇ ತೀರ್ದೆರ್. ಗಾತಿದ ಗಡಿಕುಲಾತಿನ ಸೀನೆ ಆಸ್ಪತ್ರೆಗ್ ಲೆತೊಂದು ಪೋಪುನ ಸಾದಿ ನಡುಟೇ ತೀರ್ದೆರ್.
ಪೊಲೀಸೆರ್ ಪ್ರಕರಣ ದಾಕಲ್ತೊಂದಿತ್ತ್ದ್, ನಡಕೆಗ್ ಸಂಬಂಧಿತ್ದ್ ಎಚ್ಚಿಗೆ ಜಡ್ತೆ ಮಲ್ತೊಂದುಲ್ಲೆರ್.