Last updated on April 13th, 2026 at 11:48 am
ಬೆದ್ರ, ಏ. 13: ಬಾರೀ ಹಿಂಸಾತ್ಮಕವಾದ್ ಅಂಚೆನೇ ಅಕ್ರಮವಾದ್ ಕೊನೊವೊಂದಿತ್ತಿನ ಎಣ್ಮ ಕೈಕಂಜಿಲೆನ್ ಬೊಕ್ಕ ಕೊನೊಯೆರ ಗಲಸ್ದಿನ ರಡ್ಡ್ ಗಾಡಿಲೆನ್ ಬೆದ್ರ ಪೊಲೀಸೆರ್ ಐತಾರ ತೋಡಾರ್ ಪನ್ಪಿನಲ್ಪ ಉಲಕೈ ಮಲ್ತೊಂದೆರ್.
ಬೆದ್ರ ಪೊಲೀಸ್ ಸ್ಟೇಶನ್ದ ಪಿಎಸ್ಐ ಪ್ರತಿಭಾ ಕೆ.ಸಿ. ಬೊಕ್ಕ ಸಿಬ್ಬಂದಿ ರೌಂಡ್ಸ್ ಡ್ಯೂಟಿಡ್ ಇಪ್ಪುನಗ, ತೋಡಾರ್ ದಂಚಿ ಪಿಕಪ್ ಗಾಡಿಡ್ ಅಕ್ರಮವಾದ್ ಕೈಕಂಜಿಲೆನ್ ಕೊನೊವೊಂದುಲ್ಲೆರ್ ಪನ್ಪಿ ಪತ್ತ ಒಲವು ತಿಕ್ಕ್ದ್ಂಡ್. ಅಪಗನೇ ಪೊಲೀಸೆರ್, ತೋಡಾರ್ ಗ್ರಾಮೊದ ಪ್ರವೇಶದ್ವಾರೊದ ಕೈತಲ್ ಗರೊಡಿ ದಂಚಿರ್ದ್ ಬರೊಂದಿತ್ತಿನ ವ್ಯಾಗನ್-ಆರ್ ಕಾರ್ ಬೊಕ್ಕ ಅವೆತ ಬೆರಿಯೆ ಬರೊಂದಿತ್ತಿನ ಪಿಕಪ್ ಗಾಡಿನ್ ಉಂತೆರೆ ಪನ್ತೆರ್. ಆಂಡ, ಗಾಡಿಲು ಉಂತಂದೆ ಸೀದಾ ಪೋಯಿನೆಕ್ ಪೊಲೀಸೆರ್ ಬೆರಿಪತೊಂದು ಪೋದು ಉಂತಾದೆರ್.
ಪೊಲೀಸೆರ್ ಗಾಡಿನ್ ಸುತ್ತುಪಾಡೊಂದಿತ್ತಿಲೆಕನೆ, ಪಿಕಪ್ ಡ್ರೈವರ್ ಹರ್ಷದ್ ಬೊಕ್ಕ ಆಯನ ಒಟಟುಗು ಇತ್ತಿನಕುಲು ಅಲ್ಪರ್ದ್ ಪದ್ರಾಡಾತೆರ್. ಪಿಕಪ್ ಗಾಡಿಗ್ ಎಸ್ಕಾರ್ಟ್ ಆದ್ ಬತ್ತಿತ್ತಿನ ವ್ಯಾಗನ್-ಆರ್ ಕಾರ್ದ ಡ್ರೈವರ್ ಸಫರ್ ಬೊಕ್ಕ ಅಂಡೇಲ್ ನಿವಾಸಿ ಅಬೂಬಕರ್ಲಾ ಪದ್ರಾಡಾತೆರ್.
ಪೊಲೀಸೆರ್ ಪಿಕಪ್ ಗಾಡಿನ್ ಪರಿಶೀಲನೆ ಮಲ್ಪುನಗ, ಅವೆಟ್ ರಡ್ಡ್ ಪೆತ್ತೊಲು, ರಡ್ಡ್ ಬೋರಿಲು ಬೊಕ್ಕ ನಾಲ್ ಬೋರಿ ಕಂಜಿಲು ಕಾರ್ ಬೊಕ್ಕ ನಾಲಿಗ್ ಬಲ್ಲ್ಡ್ ಕೈತ್ದ್ ಬಾರೀ ಹಿಂಸಾತ್ಮಕವಾದ್ ಕೊನೊವೊಂದುಪ್ಪುನ ತೋಜಿದ್ ಬೈದ್ಂಡ್. ಇತ್ತೆ ಪೊಲೀಸೆರ್ ಈ ಮಾತಾ ಕೈಕಂಜಿಲೆನ ರಕ್ಷಣೆ ಮಲ್ತ್ದ್, ಪ್ರಕರಣ ದಾಕಲ್ತೊಂದೆರ್.