Last updated on April 14th, 2026 at 10:08 am
ಚಿಕ್ಕಮಗಳೂರು, ಎ 14: ಉಜ್ಜಾಲ್ ಗೊಬ್ಬುನ ಪೊರ್ತುಡು ಉಜ್ಜಾಲ್ ಕಟ್ಟ್ದಿನ ಸೀರೆಡ್ ಕೆಕ್ಕಿಲ್ ತಿಕೊಂದು ಪೊಣ್ಣು ಬಾಲೆ ಒರ್ತಿ ತೀರ್ದಿನ ನಡಕೆ ಎಲ್ಯಮಗಲ್ನೂರುದ ಹೆಬ್ಬಳ್ಳಿ ಗ್ರಾಮೊಡು ನಡತ್ದ್ಂಡ್. ಲೇಖನಾ (10) ತೀರ್ದಿನ ಬಾಲೆ. ಅಪ್ಪೆಅಮ್ಮೆ ಇಲ್ಲಡ್ ಇಜ್ಜಂದಿನ ಪೊರ್ತುಡು ಈ ಅನಾಹುತ ನಡತ್ದ್ಂಡ್.
ಲೇಖನಾ ಇಲ್ಲಡ್ ಒರ್ತಿಯೇ ಇಪ್ಪುನಗ ಸೀರೆಡ್ ಕಟ್ಟ್ದಿನ ಉಜ್ಜಾಲ್ಡ್ ಗೊಬ್ಬೊಂದಿತ್ತಲ್. ಈ ಪೊರ್ತುಡು ಆಕಸ್ಮಿಕವಾದ್ ಸೀರೆ ಆಲೆನ ನಾಲಿಗ್ ಕೈತ್ದ್ಂಡ್. ಪೋಡಿದ್ ಬಾಲೆ ಅವೆನ್ ಬುಡ್ಪಾಯೆರೆ ತೂಂಡಲಾ ಸಾಧ್ಯ ಆವಂದೇ, ದಮ್ಮುಕಟ್ಟ್ದ್ ಅಲ್ಪನೇ ತೀರ್ದಲ್.
ಅಪ್ಪೆಅಮ್ಮೆ ಪಿದಯಿ ಪೋದು ಇಲ್ಲಗ್ ಪಿರ ಬನ್ನಗ ಮಗಲ್ ಪುನ ಆದ್ ನೇಲೊಂದುಪ್ಪುನೆನ್ ತೂದು ಅಲ್ಕ್ದ್ ಬೂರ್ದೆರ್. ವಿಷಯ ತೆರಿದ್ ಎಲ್ಯಮಗಲ್ನೂರು ಗ್ರಾಮಾಂತರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲ್ತೊಂದೆರ್.