Last updated on April 18th, 2026 at 10:55 am
ಕುಡ್ಲ, ಏ. 18: ಪ್ರೈವೇಟ್ ಎಕ್ಸ್ಪ್ರೆಸ್ ಬಸ್ ಬೊಕ್ಕ ರಿಕ್ಷಾ ಎದುರೆದುರು ಎಡ್ತೊಂದಿನೆರ್ದಾವರ ರಿಕ್ಷಾ ಡ್ರೈವರ್ ಸೇರ್ದ್ ಮೂವೆರೆಗ್ ಗಡಿಕುಲಾತಿನ ನಡಕೆ ವಾಮಂಜೂರ್ ಕೈತಲ್ದ ಕೆತ್ತಿಕಲ್ಲ್ಡ್ ಏಪ್ರಿಲ್ 17 ತಾನಿ ನಡತ್ದ್ಂಡ್.
ಕುಡ್ಲರ್ದ್ ಬೆದ್ರದಂಚಿ ಪೋವೊಂದಿತ್ತಿನ ಪ್ರೈವೇಟ್ ಎಕ್ಸ್ಪ್ರೆಸ್ ಬಸ್ ಕೆತ್ತಿಕಲ್ಲ್ ದಲ್ಪ ಆಟೋರಿಕ್ಷಾಗ್ ಎಡ್ತ್ದ್ಂಡ್ ಪನ್ದ್ ವರದಿ ಆತ್ಂಡ್.
ಎಡ್ತೆರ್ದಾವರ ರಿಕ್ಷಾದ ಎದುರು ಮೆಯಿ ಅಲಕ್ಕ ಞಕ್ಕೆ ಆತ್ಂಡ್. ಡ್ರೈವರ್ಗ್ ಗಾತಿದ ಗಡಿಕುಲಾದಿತ್ತ್ದ್, ರಿಕ್ಷಾಡ್ ಪೋವೊಂದಿತ್ತಿನ ಇರ್ವೆರ್ ಪ್ರಯಾಣಿಕೆರೆಗ್ಲಾ ಗಡಿಕುಲಾತ. ಬಸ್ಸ್ಡ್ ಇತ್ತಿನಕಲೆಗ್ ಕಿಞ್ಞ ಕಿಞ್ಞ ಗಡಿಕುಲಾತ ಪನ್ದ್ ವರದಿ ಆತ್ಂಡ್.
ಎಡ್ತಿನೆಟ್ಟಿಗೇ ಕೈತಲ್ದಕುಲು ಬಲ್ತೊಂದು ಬತ್ತ್ದ್ ಗಡಿಕುಲಾತಿನಕಲೆನ್ ಮರ್ದ್ಗ್ ಪೇಂಟೆದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಕುಡ್ಲ ನಗರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.