Last updated on April 21st, 2026 at 02:43 pm
ತುಮಕೂರ್, ಏ. 21: ತುಮಕೂರ್ ಜಿಲ್ಲೆದ ಗುಬ್ಬಿ ತಾಲೂಕ್ದ ಕಳ್ಳಿಪಾಳ್ಯದ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 206 ಟ್ ಕೆಎಸ್ಆರ್ಟಿಸಿ ಬಸ್ ಪಲ್ಟಿ ಆದಿತ್ತ್ದ್, ಭೀಕರ ದುರಂತ ಒಂಜಿ ಎಲ್ಯ ಅಂತರೊಡೇ ತತ್ತ್ದ್ಂಡ್. ಬಸ್ಡ್ ಇತ್ತಿನ 40 ರ್ದ್ಲಾ ಎಚ್ಚ ಪ್ರಯಾಣಿಕೆರ್ ಉಂಬರೊ ರ್ದು ಬಚಾವಾತೆರ್.
ತಿಪಟೂರು ಡಿಪೋಗ್ ಸೇರ್ದಿನ ಈ ಬಸ್ ಹೊಸದುರ್ಗ ರ್ದ್ ಬೆಂಗಳೂರ್ ದಂಚಿ ಪೋವೊಂದಿತ್ತ್ಂಡ್. ಬಸ್ಡ್ ಪ್ರಯಾಣಿಕೆರ್ ಭರ್ತಿ ಆದಿತ್ತೆರ್. ಗುಬ್ಬಿ ಕೈತಲ್ದ ಕಳ್ಳಿಪಾಳ್ಯೊದ ಕೈತಲ್ ಡ್ರೈವರ್ನ ಅಂಕೆ ತತ್ತ್ದ್ ಬಸ್, ಸಾದಿ ಬರಿತ ಡಿವೈಡರ್ಗ್ ಜೋರುಡು ಎಡ್ತ್ದ್ ಕಬ್ಬೆ ಬೂರ್ದ್ಂಡ್. ಎಡ್ತೆದ ಬರಸ್ಗ್ ಬಸ್ ಅಲಕ್ಕ ಞಕ್ಕೆ ಆತ್ಂಡ್.
ಎಡ್ತೆಡ್ ಐನಾಜಿ ಜನೊಕು ಗಾತಿದ ಗಡಿಕುಲಾದಿತ್ತ್ದ್, ಅಪಗನೇ ಅಕಲೆನ್ ಮರ್ದ್ಗ್ ತುಮಕೂರ್ ಜಿಲ್ಲಾಸ್ಪತ್ರೆಗ್ ದಾಕಲ್ತ್ದೆರ್. ಒರಿನ 40 ರ್ದ್ಲಾ ಎಚ್ಚ ಪ್ರಯಾಣಿಕೆರ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್. ಜಾಗೆಗ್ ಗುಬ್ಬಿ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್, ಗುಬ್ಬಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.