Last updated on April 24th, 2026 at 01:07 pm
ಒಡಿಪು, ಏ. 24: ರಜತಾದ್ರಿದ ಜಿಲ್ಲಾಧಿಕಾರಿ ಕಚೇರಿದ ಪಿರವು ಮೆಯಿಟ್ ಕುಕ್ಕು ಕೊಯ್ಯೊಂದಿತ್ತಿನ ಪೊರ್ತುಡು ಕರೆಂಟ್ ಕೊಲ್ತ್ದ್ ಆಂಜೊವು ಒರಿ ತೀರ್ದಿನ ನಡಕೆ ಇನಿ, ಶುಕ್ರವಾರ ಕಾಂಡೆ ನಡತ್ದ್ಂಡ್.
ಅಲೆವೂರು ಗ್ರಾಮೊದ ನಿವಾಸಿ ಸದಾನಂದ ದೇವಾಡಿಗ (55) ತೀರ್ದಿನಾರ್. ಕುಕ್ಕುದ ಮರತ ಮಿತ್ತ್ಡೆ ಹೈಟೆನ್ಶನ್ ವಯರ್ ಇತ್ತ್ಂಡ್. ಸದಾನಂದೆರ್ ಕುಕ್ಕು ಕೊಯ್ಯೆರೆ ಗಲಸೊಂದಿತ್ತಿನ ಕರ್ಬದ ಕಲೆ (Iron pole) ತತ್ತ್ದ್ ಕರೆಂಟ್ ವಯರ್ಗ್ ಕೊಲ್ತಿನೆರ್ದಾವರ, ಕರೆಂಟ್ ಶಾಕ್ ಆಕ್ದ್ ಆರ್ ಅಲ್ಪನೇ ತೀರ್ದೆರ್.
ಮಣಿಪಾಲ ಪೊಲೀಸೆರ್ ಬೊಕ್ಕ ಅಗ್ನಿಶಾಮಕ ದಳೊದ ಸಿಬ್ಬಂದಿಲು ಜಾಗೆಗ್ ಬತ್ತ್ದ್ ಪುನೊನು ತಿರ್ತ್ ಜಪ್ಪಾಯೆರ ಸಕಾಯ ಮಲ್ತೆರ್. ಈ ಬಗೆಟ್ ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.