Last updated on April 28th, 2026 at 09:40 am
ಒಡಿಪು, ಏ. 28 :ಹೆರ್ಗಾ ಗ್ರಾಮೊದ 42 ವರ್ಸ ಪ್ರಾಯೊದ ರಿಕ್ಷಾ ಡ್ರೈವರ್ ಏಪ್ರಿಲ್ 26 ತಾನಿ ಸುದೆಟ್ ಮುರ್ಕ್ದ್ ತೀರ್ದಿತ್ತ್ದ್, ಕೋಡೆ ಕಾಂಡೆ ಆರೆನ ಪುನ ತಿಕ್ಕ್ದ್ಂಡ್.
ಹೆರ್ಗ ನಿವಾಸಿ ನಾರಾಯಣ ಪೂಜಾರಿ (75) ಬರೆಪಾದಿನ ಒಯಿಲ್ದ ಪ್ರಕಾರ, ರಿಕ್ಷಾ ಡ್ರೈವರ್ ಆದ್ ಬೆನೊಂದಿತ್ತಿನ ಆರೆನ ಮಗೆ ಸುಜಿತ್ ಕುಮಾರ್ (42) ಏಪ್ರಿಲ್ 26 ತಾನಿ ಕಾಂಡೆ 6:00 ಗಂಟೆದ ಅಂದಾಜಿಗ್ ಬೇಲೆಗ್ ಪೋತೆರ್. ಬೊಕ್ಕ ಮಧ್ಯಾಹ್ನ ಸುಮಾರ್ 12:45 ಕ್ ಒಡಿಪು ತಾಲ್ಲೂಕ್ದ ಹೆರ್ಗ ಗ್ರಾಮೊದ ಹೊಳೆಬಾಗಿಲು ಸುದೆತಡೆ ಮೀಂದ್ಯೆರ ಪೋತೆರ್ ಪನ್ದ್ ವರದಿ ಆತ್ಂಡ್.
ಮೀಂದೊಂದುಪ್ಪುನಗ ಸುಜಿತ್ ಕುಮಾರ್ ಆಕಸ್ಮಿಕವಾದ್ ನೀರ್ಡ್ ಮುರ್ಕ್ದ್ ತೀರ್ದೆರ್ ಪನ್ದ್ ತೋಜಿದ್ ಬರೊಂದುಂಡು. ಏಪ್ರಿಲ್ 27 ತಾನಿ ಕಾಂಡೆ 7 ಗಂಟೆದ ಅಂದಾಜಿಗ್ ಸುದೆಬರಿಟ್ ಆರೆನ ಪುನ ತಿಕ್ಕ್ದ್ಂಡ್.
ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಯುಡಿಆರ್ ಸಂಖ್ಯೆ 22/2026 ತ ಅಡಿಟ್ ಬಿಎನ್ಎಸ್ಎಸ್ ದ ಸೆಕ್ಷನ್ 194 ತ ಅಡಿಟ್ ಪ್ರಕರಣ ದಾಕಲಾತ್ಂಡ್.
ಎಚ್ಚಿಗೆ ಜಡ್ತೆ ನಡತೊಂದುಂಡು.